C3TF - CITIC Cyber Competition
O vindeiro 23 de febreiro de 15:30 a 20:30 h terá lugar o C3TF – CITIC Cyber Competition, unha competición de ciberseguridade organizada polo CITIC en colaboración con atlanTTic, a Cátedra R en Ciberseguridade e o MUNICS. O evento está destinado a estudantes co obxectivo de practicar e desenvolver as súas habilidades no ámbito da seguridade informática.
As persoas interesadas en participar deberán ser estudantes, de calquera nivel, e poderán apuntarse en equipos de entre 1 e 5 persoas para poñer a proba as súas capacidades. Pódese elixir entre tres modalidades de participación: presencial no CITIC, presencial en atlanTTic e online. Haberá premios para os tres equipos gañadores, por valor de 1000 €, 700 € e 300 € cada un, e agasallos para todas as persoas participantes en modalidade presencial.
Programa
15:30 h – 16:00 h.- Mesa de apertura:
- Manuel F. González Penedo, director do CITIC da Universidade da Coruña
- Martín Llamas Nistal, director de atlanTTic da Universidade de Vigo
- Carlos Fernández Lozano, vicedecano de Recursos Informáticos da Facultade de Informática da UDC
- Alfredo Ramos González, director de R e grupo MASMOVIL en Galicia
16:00 h – 20:00 h.- Desenvolvemento da competición. Os equipos participantes deberán resolver diferentes retos de ciberseguridade.
20:00 h – 20:30 h.- Entrega de premios e clausura:
- Francisco Javier Nóvoa Manuel, coordinador do MUNICS na Universidade da Coruña
- Ana Fernández Vilas, coordinadora do MUNICS na Universidade de Vigo
20:30 h.- Catering
