O investigador do  CITIC Richard Duro participará o próximo 17 xullo como  plenary  chair na International Joint Conference on Neural  Networks 2019 ( IJCNN) que se celebrará no Hotel Intercontinental de  Budapest (Hungría) do 14 ao 19 de xullo. A conferencia está organizada pola International Neural Network Society (INNS) en cooperación co IEEE Computational Intelligence Society e está considerada como unha das conferencias máis relevantes a nivel internacional no ámbito das redes neuronais e áreas relacionadas.

O traballo que presentará o investigador do  CITIC ten como título Modulation Based Transfer Learning of Motivational Cues in  Developmental Robotics e foi elaborado, ademais de por Richard Duro, por Alejandro Romero, Jose A. Becerra e Francisco Bellas, todos eles investigadores da UDC.

Como acción previa á celebración da  IJCNN, a  International  Neural  Network  Society organiza a reunión anual do  Board  of  Governors que se celebra en  Esztergom (Hungría) o 12 de xullo e na que tamén participará Richard Duro. O  Board  of  Governors está formado polas personalidades máis relevantes a nivel mundial no ámbito das redes neuronais procedentes de universidades de China, EE. UU., Italia, Reino Unido, Brasil, Alemaña, Corea e Xapón.