O grupo VARPA (Visión Artificial e Recoñecemento de Patróns) da UDC, dirixido polo director do CITIC Manuel F. González Penedo, acaba de recibir o Premio Spin-Off PuntoGal na categoría dedicada a Grupos de Investigación.
O investigador do CITIC Richard Duro ven de ser nomeado Vicepresidente para Conferencias e Actividades Técnicas da International Neural Network Society (INNS). Trátase da sociedade científica internacional máis antiga no campo das redes neuronais artificiais e conta con membros de todo o mundo. Ademais, en decembro de 2019 foi reelixido por terceiro ano consecutivo para formar parte do Board of Governors desta sociedade para os anos 2020, 2021 e 2022.
A investigadora do CITIC Elena Hernández Pereira impartiu o pasado 3 de novembro o taller “Detección, identificación e análise de ameazas en redes e aplicación” que se realizou dentro de CyberSec@GAL 2020. A investigadora do CITIC impartiu o taller conxuntamente co profesor da Uvigo Juan Carlos Burguillo Rial.
A investigadora do CITIC Nieves R. Brisaboa participará o próximo 17 de novembro no ciclo de coloquios “Novos tempos na acción exterior de Galicia: A Coruña no mundo global do S.XXI”, que se desenvolverán de xeito online ao longo das vindeiras semanas. Esta actividade está organizada polo IGADI co apoio do Concello da Coruña.
A investigadora do CITIC Susana Ladra dará unha charla dentro das II Jornadas Mujer, Ciencia y Tecnología, organizadas pola Cátedra Mujer, Ciencia y Tecnología da Universidade Pública de Navarra. O 4 de novembro Susana Ladra inaugurará as xornadas coa súa charla “Xenómica e Big Data”.
O CITIC colabora na organización do Welcome Tomorrow Challenge xunto con Kelea e o Máster UDC en Innovación e Estratexia Dixital. Trátase dun espazo que une formación e creatividade para dar resposta aos retos das organizacións, apoiándose no talento dos alumnos do Máster UDC en Innovación e Estratexia Dixital para testear, explorar e deseñar potenciais solucións.
O subdirector do CITIC Javier Pereira, as investigadoras Adriana Dapena e Susana Ladra e o responsable da área de Sistemas, Alejandro Mosteiro, participan nos Encontros con Profesionais TIC promovidos polo Colexio Profesional de Enxeñería en Informática de Galicia (CPEIG). Este ciclo enmárcase no Convenio de Colaboración entre a Axencia para a Modernización Tecnolóxica de Galicia (AMTEGA) e o CPEIG para a posta en marcha de actividades para o fomento da sociedade dixital.
Dous grupos de investigación da UDC dirixidos por investigadores do CITIC son candidatos á IV Edición dos Premios Spin-Off PuntoGal, xunto a outros catro grupos vinculados a universidades galegas. Estes premios recoñecen a labor investigadora galega en diversos sectores como son o sanitario, a química biolóxica e a informática aplicada ao desenvolvemento de novos materiais.
A investigadora do CITIC Thais Pousada entrou a formar parte do grupo de Innovación Tecnolóxica de Duchenne Parent Project España (DDPE), continuando co traballo colaborativo con diferentes entidades do sector social, e fomentando o uso da tecnoloxía por parte de persoas con diversidade funcional.
CyberSec@Gal volta na súa segunda edición enfocada aos riscos no teletraballo. O CITIC colabora na organización do evento organizado pola Cátedra R en Ciberseguridade, na que participan R, a Universidade da Coruña e a Universidade de Vigo. O evento terá lugar do 2 ao 5 de novembro e abordará a normativa, solucións, retos e ameazas no campo da seguridade do universo dixital no teletraballo.
A investigadora do CITIC Thais Pousada participou no congreso anual Rehabilitation Engineering and Assistive Technology Society of North America (RESNA), que se celebrou de forma totalmente online os días 23 e 24 de setembro.
O CITIC colabora na entrega do Premio ao Mellor Traballo de Fin de Grado (TFG) Aplicado da Facultade de Informática do curso 2018/2019. O acto celebrarase o próximo 30 de outubro e retransmitirase vía online dende o salón de graos Víctor Gulías.
