O investigador do CITIC Jose Luis Calvo Rolle participa no evento “Retos actuais da Intelixencia Artificial”, organizado por IEEE Sección España e Comité Español de Automática (CEA). José Luis Calvo Rolle ostenta cargos en ambas entidades organizadoras: é vocal da xunta directiva de CEA e tesoureiro da directiva do IEEE-SMS na sección española.
A Xunta publicou a convocatoria das axudas para a consolidación e estruturación de unidades de investigación competitivas e outras accións de fomento nas universidades do SUG, nos organismos de investigación de Galicia e noutras entidades do Sistema galego de I+D+i para o 2021.
A investigadora do CITIC Amparo Alonso participa o próximo 23 de febreiro no debate “Industria intelixente e medio ambiente: de cara a un futuro sostible”, organizado polo Centro de Visión por Computador (CVC) e a Fundación “la Caixa”. O obxectivo do debate é poñer ao alcance da cidadanía as ferramentas para entender e reflexionar sobre como utilizar a Intelixencia Artificial para facer un mundo máis sostible no ámbito económico, social e medioambiental mediante a Industria 4.0.
A investigadora do CITIC Patricia Martín Rodilla imparte xunto coa profesora da UDC Luz Castro na conferencia “Humanizando o dixital”, que organiza a Escola de Doutoramento Internacional da Universidade de Santiago dentro dun ciclo de charlas sobre posibles saídas profesionais para o alumnado de doutoramento en Ciencias da Saúde, Ciencias e Enxeñerías, Sociais, Xurídicas e Humanidades.
Un equipo de investigadores do CITIC desenvolveu a ferramenta PhotoILike, nacida no seo da empresa de base tecnolóxica Artificial Intelligence Indestia, participada pola UDC. Trátase dun sistema de Intelixencia Artificial destinado ao mercado inmobiliario co obxectivo de seleccionar as imaxes con maior impacto comercial. Os investigadores do CITIC que forman parte deste proxecto son Juan Jesús Romero, Adrián Carballal, Francisco Cedrón e Nereida Rodríguez.
O edificio do CITIC será ampliado co obxectivo de fortalecer a estratexia de posicionamento da UDC a nivel nacional e internacional no terreo da Intelixencia Artificial e reforzar as edificacións sostibles. Con esta reforma, o CITIC será dotado con dous novos laboratorios de investigación nas áreas de Intelixencia Artificial e Big Data. Ademais, tamén se optimizarán e acondicionarán interiormente espazos comúns.
O próximo 25 de febreiro, de 18:00 horas a 19:30 horas, terá lugar unha xornada en liña de presentación das capacidades do CITIC dirixida aos colexiados do Colexio de Enxeñeiros de Camiños, Canles e Portos de Galicia.
A Unidade de Divulgación Científica da Universidade da Coruña puxo en marcha unha acción dirixida a escolares de educación primaria e secundaria con motivo do Día Internacional da Muller e a Nena na Ciencia.
A investigadora do CITIC Sara Guerreiro impartiu un taller online no CEIP Agro do Muíño de Bertamiráns con motivo do Día Internacional da Muller e a Nena na Ciencia, dentro do programa “Recoñéceas” promovido por La ciencia es femenino. A charla tivo lugar o 9 de febreiro e estivo dirixida ao alumnado de 5º e 6º de Primaria.
A investigadora do CITIC Verónica Bolón ofrecerá unha charla no IES Parga Pondal de Carballo o próximo xoves 11 de febreiro, con motivo do Día da Internacional da Muller e a Nena na Ciencia. A sesión está dirixida ao alumnado de 4º ESO e 1º de bacharelato de la materia de TICS e Introdución á Programación.
A investigadora do CITIC Amparo Alonso impartirá un taller o próximo 10 de febreiro con motivo do Día Internacional da Muller e a Nena na Ciencia, dentro do programa “Recoñéceas” promovido por La ciencia es femenino.
A investigadora do CITIC Verónica Bolón moderará o seminario “Xeración de coñecemento desde unha perspectiva de xénero”, organizado con motivo do Día da Muller e a Nena na Ciencia pola Academia Joven de España (AJE), entidade na que Verónica Bolón é académica de número.
PO FEDER Galicia 2021 - 2027
Operacións financiadas pola Xunta de Galicia e a Unión Europea a través do Fondo Europeo de Desenvolvemento Rexional co obxectivo temático de "Unha Europa máis intelixente: transformación económica innovadora e intelixente".
