Hoxe visitou o CITIC un grupo de 20 alumnas e alumnos de 2º de Bacharelato do Colexio Sagrado Corazón, Franciscanas, da Coruña. Tras unha breve exposición das liñas de actividade do CITIC, o alumnado puido coñecer da man de Alejandro Mosteiro, responsable da Unidade de Sistemas do CITIC, algúns proxectos do ámbito da robótica, como o Robobo.
A próxima edición do Congreso Galego de Estatística e Investigación de Operacións terá lugar do 26 ao 28 de outubro de 2023 na Escola Técnica Superior de Enxeñería de Caminos, Canais e Portos da Universidade da Coruña. Está organizado polo Departamento de Matémáticas da UDC, en colaboración coa Sociedade Galega para a Promoción da Estatística e a Investigación de Operacións (SGAPEIO), e está patrocinado polos grupos MODES da UDC, MODESTYA da USC e SiDOR da UVigo.
Este venres 10 de marzo, recibimos no CITIC a visita de representantes do Centro de Promoción da Autonomía Persoal (CPAP) de Bergondo, centro de ámbito estatal xestionado polo IMSERSO que está especializado en dano cerebral. En concreto, asistiu o director do CEPAP, Francisco Javier Nieto, e ás responsables de proxectos e innovación, neuropsicología e terapia ocupacional do centro. Foron recibidos polo director e o subdirector do CITIC, Manuel F. González Penedo e Javier Pereira, e polos investigadores da área de Intelixencia Artificial do CITIC Manuel Lagos e Thais Pousada.
O de mama é o primeiro cancro entre a poboación feminina e un dos de maior incidencia en Galicia. Cada ano detéctanse na nosa comunidade máis de 2.000 novos casos, segundo datos do Observatorio contra o Cancro da AECC. Un equipo de investigadores do CITIC da UDC vén de rematar a primeira fase dun estudo estatístico que mide a probabilidade de padecer cardiotoxicidade en mulleres que reciben tratamentos potencialmente cardiotóxicos.
Os días 2 e 3 de marzo desenvolvéronse en formato híbrido as Xornadas Internacionais de Tecnoloxías para a Inclusión, realizadas na Escola Superior de Educação e Ciências Sociais do Politécnico de Leiria e difundidas a través da súa canle de Youtube. Neste encontro, coorganizado por un grupo de investigadores/as del CITIC, liderado por Thais Pousada, e a Universidade Federal Rural de Río de Janeiro, participaron relatoras de Portugal, Brasil e España.
O programa Talentos Inclusivos foi recoñecido na primeira edición dos Premios Nacionales de Ingeniería Informática co galardón Humanismo e Compromiso Social polo seu labor na pasada edición. O proxecto, posto en marcha polo CITIC da Universidade da Coruña e Aspace Coruña, conta co apoio do Consello Social da UDC, a Fundación Española para a Ciencia e a Tecnoloxía (FECYT) do Ministerio de Ciencia e Innovación, a Xunta de Galicia e o Concello da Coruña.
A profesora asociada de tecnoloxía educativa e doutora en educación matemática e tecnoloxía na educación da Old Dominion University (ODU) de Norfolk (Virginia), impartiu recentemente unha conferencia na que analizou o papel da IA na Educación. Helen Crompton, directora do Technology Enhanced Learning Lab (TELL) e do Virtual Reality Lab da ODU, centra a súa investigación na aprendizaxe con tecnoloxías como os dispositivos móbiles, a intelixencia artificial e a realidade virtual.
Hoxe visitou o CITIC un grupo de 22 alumnos e alumnas de 1º de Bacharelato do Colegio Sagrado Corazón, Franciscanas, da Coruña.
O alumnado foi recibido na sala Demostrador Tecnolóxico polo subdirector do CITIC, Javier Pereira, quen realizou unha breve presentación do centro e faloulles das principais liñas de investigación.
Esta mañá visitaron o CITIC un grupo de 30 alumnos e alumnas de primeiro curso do Grao en Intelixencia Artificial da UDC, acompañados pola súa profesora e membro do Comité de Dirección do CITIC Adriana Dapena.
O alumnado foi recibido polo subdirector do CITIC, Javier Pereira, quen realizou unha breve presentación do centro e faloulles das principais liñas de investigación.
Este martes, 28 de febreiro, celebrouse unha nova sesión dos Almorzos TIC Talk, nesta ocasión mostráronse as liñas de investigación nas que traballan Elsa Martín de Arribas e Mateo Gende Lozano sobre Intelixencia Artificial aplicada ao ámbito médico.
Hoxe parte desde Mos (Pontevedra) con destino ao Lago Torneträsk de Laponia a cuarta expedición do proxecto “Compromiso coa terra”, capitaneada pola alpinista Chus Lago e que ten a finalidade de espertar a conciencia ambiental sobre o cambio climático. Durante a expedición, poñeranse a proba dous prototipos desenvolvidos no CITIC dotados de sensores de brillo de ceo nocturno.
O alumnado do Colexio de Carmelitas de Ourense, que participa nesta terceira edición do proxecto, coñeceu esta mañá da man das persoas usuarias de ASPACE Coruña as barreiras ás que se enfrontan día a día as persoas con parálise cerebral e tamén como poden contribuír a través da tecnoloxía a mellorar a súa calidade de vida solucionando os retos planeados.
