O mércores 4 de maio a investigadora do CITIC Thais Pousada, convidada pola Escola Superior de Saúde Santa María de Oporto, impartiu un webinar sobre Tecnoloxías e Produtos de apoio dirixidos a potenciar a autonomía das persoas con diversidade funcional.
O CITIC participará cunha caseta propia no Día da Ciencia na Rúa, que se celebrará o vindeiro 7 de maio no Parque de Santa Margarita da Coruña. O CITIC foi convidado a formar parte deste evento, promovido polo Concello da Coruña a través dos Museos Científicos, para mostrar diferentes proxectos de investigación levados a cabo no centro, así como os desenvolvementos en torno ao proxecto Talentos Inclusivos, que promove solucións tecnolóxicas para persoas con diversidade funcional.
Con motivo do Día Internacional das Nenas nas Tecnoloxías da Información e a Comunicación celebrado o 28 de abril, as nosas investigadoras Luz Castro e Amparo Alonso participaron na campaña corporativa da CRTVG #FaiClic.
Este xoves 28 de abril, cinco alumnos e dous profesores da CEE Nuestra Señora de Lourdes, centro pertencente a ASPRONAGA, visitaron o CITIC para coñecer o traballo desenvolvido no centro no ámbito da tecnoloxía aplicada á saúde.
ASPACE Coruña recibiu o I Premio de Boas Prácticas en Servizos Sociais da Deputación da Coruña polo proxecto Talentos Inclusivos, desenvolvido xunto co CITIC para a creación de adaptacións e deseños tecnolóxicos que faciliten a integración das persoas con parálise cerebral.
Máis de 30 investigadores/as do CITIC déronse cita na segunda sesión dos Almorzos TIC Talk, un ciclo de reunións informais dirixidas a membros do centro que se atopan nas primeiras etapas da súa carreira investigadora. O encontro tivo lugar este martes 26 de abril na sala Cloud do CITIC, con dous novos relatores que compartiron as súas liñas de investigación.
O pasado 1 de abril o xurado determinaba de forma unánime a calidade do traballo presentado polo investigador do CITIC Álvaro Michelena na segunda edición dos Premios Cátedra Emalcsa-UDC, resultando gañador na categoría Traballos Fin de Máster coa súa proposta “Aprendizaxe intelixente federado aplicado a sistemas automáticos para instalacións de control de fluído”.
El investigador del CITIC Ricardo Cao ha sido designado miembro del Institute of Mathematical Statistics (IMS), una de las distinciones más relevantes que puede obtener un estadístico a nivel mundial por sus aportaciones a los campos de la estadística o de la probabilidad.
O próximo 22 de abril, de 9:30 h a 13:00 h, terá lugar o II Encontro Maker pola Discapacidade Física Orgánica en formato en liña a través de Youtube. O evento está organizado pola Confederación de Persoas con Discapacidade Física e Orgánica de Castela e León, e conta coa colaboración da Universidade de Burgos e do CITIC da Universidade da Coruña.
O Campus Innova da UDC, dirixido pola investigadora do CITIC Susana Ladra, organiza a xornada “Cultura Dixital: capacidades, retos e oportunidades non Sistema Ciencia-Tecnoloxía de Galicia”, que terá lugar o venres 22 de abril de 2022 a partir das 9:30 h no auditorio do Edificio Fontán da Cidade da Cultura de Santiago de Compostela. A axenda do evento inclúe a participación das investigadoras do CITIC Margarita Alonso e Ángeles Saavedra.
A investigadora do CITIC Thais Pousada atópase realizando unha estancia de investigación no Centro de Recursos para a Inclusão Dixital (CRID) do Politécnico de Leiría, baixo o programa de Recualificación do Profesorado Universitario da Universidade da Coruña.
A “Study Week with Financial Industry” ten lugar no CITIC durante esta semana.
A actividade está organizada no marco do Doutoramento Industrial Europeo ABC-EU-XVA.
