O pasado 21 de maio a investigadora do CITIC Thais Pousada participou no 34th Congreso Anual da Academia Europea de Infancia con Discapacidade para dar a coñecer o traballo que se está realizando no CITIC para a mellora da calidade de vida da infancia con diversidade funcional.
Este luns presentouse a terceira publicación de datos de Gaia, misión espacial da Axencia Espacial Europea (ESA) que aporta o catálogo máis preciso e completo da Vía Láctea. O equipo de investigadores do CITIC que forman parte desta misión espacial están liderados pola astrofísica Minia Manteiga e o enxeñeiro informático Carlos Dafonte.
O próximo 15 de xuño o CITIC acollerá o International Symposium on Recent Advances in Statistics en honra a Ingrid Van Keilegom, profesora da Universidade KU Leuven. Neste evento, organizado persoal investigador do CITIC, oito relatores presentarán traballos relacionado coa investigación da propia Ingrid Van Keilegom.
Este xoves 9 de xuño, o CITIC, o CICA e o CITEEC recibimos a visita de alumnado de 5º de primaria do CEIP Juan Fernández Latorre como premio da iniciativa “Atrévete a pescudar con elas!”, organizada pola Unidade de Divulgación Científica e Cultural da Universidade da Coruña.
O vindeiro xoves 23 de xuño celebrarase na sala Cloud do CITIC a xornada de peche do programa Inspira STEAM 2022 na provincia da Coruña. No acto compartiranse os resultados obtidos nesta primeira edición do programa, coordinado pola investigadora do CITIC Verónica Bolón e que conta co apoio Campus Innova da UDC, dirixido pola investigadora Susana Ladra.
Os investigadores do CITIC Thais Pousada e Manuel Lagos participaron no Breaking Barriers Congress (BBC), que se celebrou en Barcelona do 26 ao 28 de maio organizado pola Fundación Romper Barreras. A temática do congreso centrouse na tecnoloxía de apoio e na comunicación aumentativa.
O pasado xoves 26 de maio incorporáronse ao CITIC dous alumnos do programa Espazo Compartido para a realización das súas prácticas durante catro semanas. Espazo Compartido é un programa da Universidade da Coruña para a formación en habilidades persoais, sociais e competencias básicas, que busca a empregabilidade e o fomento da inclusión laboral de mozos e mozas con discapacidade cognitiva.
Este martes 31 de maio celebrouse no CITIC a terceira sesión dos Almorzos TIC Talk, un ciclo de reunións informais dirixidas ao persoal investigador do centro que se atopa nas primeiras etapas da súa carreira. Este novo encontro contou coa participación de Diego Álvarez e Rebeca Peláez, que foron presentados por Álvaro Leitao, membro da comisión de formación.
O V Congreso XoveTIC organizado polo CITIC, unha cita referencial para dar visibilidade ao talento tecnolóxico das novas xeracións de investigadoras e investigadores, celebrarase en outubro, os días 5 e 6.
O próximo 3 de xuño o CITIC acollerá a “Xornada de presentación de convocatorias Cascade Funding”, organizada en colaboración con econet-FundingBox. O obxectivo é dar a coñecer a grupos de investigación, pemes, midcaps e start-ups a financiación en cascada, un método de financiación da Comisión Europea.
O pasado xoves 19 de maio o investigador do CITIC David Vilares participou nunha reunión coa portavoz do Goberno e ministra de Política Territorial, Isabel Rodríguez, e co delegado do Goberno en Galicia, Jose Miñones.
O CITIC colabora na primeira edición do Code BEAM Lite A Coruña 2022, un evento formativo e divulgativo dirixido a profesionais e estudantes que queiran coñecer as máis recentes novidades e traballos, tanto profesionais como de investigación, orientados á comunidade da plataforma de código aberto BEAM. A conferencia terá lugar o próximo 11 de xuño no Reitorado da UDC.
