O CITIC colabora na entrega do Premio ao Mellor Traballo de Fin de Grado (TFG) Aplicado da Facultade de Informática do curso 2018/2019. O acto celebrarase o próximo 30 de outubro e retransmitirase vía online dende o salón de graos Víctor Gulías.
A investigadora do CITIC Susana Ladra acaba de ser condecorada co premio “Ada Byron joven” que concede a Universidade de Deusto. Este galardón, dotado con 1.000 euros, ten o obxectivo de fomentar as vocacións femininas no campo da investigación e o desenvolvemento tecnolóxicos, prestixiar a importancia da tecnoloxía en todos os ámbitos da vida e para o desenvolvemento social, e dar valor ao traballo e logros por parte de mulleres.
A investigadora do CITIC Verónica Bolón acaba de ser galardoada cun premio Dona TIC, que outorga a Consellería de Políticas Dixitais e Administración Pública da Generalitat de Cataluña, dentro do plan DonaTIC. En concreto, recibiu o premio na categoría revelación polo seu traballo no ámbito das TIC.
O investigador David Vilares recibiu unha bolsa Leonardo a Investigadores e Creadores Culturais, unha das convocatorias más recoñecidas neste ámbito, concedida pola Fundación BBVA. De máis de 1.500 solicitudes, foron adxudicadas 59 bolsas en 11 áreas de coñecemento; na área de Tecnoloxías da Información e a Comunicación concedéronse 6 bolsas.
O próximo xoves 15 de outubro terá lugar un evento online organizado no marco do proxecto europeo de innovación educativa “AI+ Developing an Artificial Intelligence Curriculum adapted to European High School”, liderado polo investigador da área de Intelixencia Artificial do CITIC Francisco Javier Bellas Bouza.
O investigador do CITIC Raúl Santoveña recibiu o Premio de Investigación 2020 na categoría de investigadores mozos, outorgado pola Real Academia Galega de Ciencias (RAGC). O acto de entrega tivo lugar este xoves no Colexio de Fonseca no acto académico de celebración do Día da Ciencia en Galicia.
O Centro de Investigación TIC (CITIC) da Universidade da Coruña celebra a terceira edición do Congreso XoveTIC, que conta coa participación de máis dun centenar de asistentes en formato online. O congreso ten o obxectivo de potenciar o talento científico júnior e construír un espazo de encontro para o debate científico que contribúa á formación dos investigadores. Nesta edición, como novidade, participan investigadores de universidades de toda España e Portugal.
Os investigadores do CITIC Brais Muñiz Castro e Gilberto Pérez, en colaboración con investigadores da empresa de biotecnoloxía FabRx (Reino Unido) e da UCL (University College London), publicaron un artigo na revista International Journal of Pharmaceutics, a segunda revista máis citada no ámbito das ciencias farmacéuticas.
El Centro de Supercomputación de Galicia (CESGA) y el Centro de Investigación TIC (CITIC) de la UDC apoyarán a grandes industrias en su explotación de la Computación Cuántica a través del proyecto NExt ApplicationS of Quantum Computing (NEASQC), que reúne a un consorcio multidisciplinar de expertos académicos y de la industria en Computación Cuántica, Computación de Alto Rendimiento, Inteligencia Artificial, Química, Banca y gestión energética.
O investigador do CITIC Carlos Vázquez Cendón impartiu unha conferencia plenaria no congreso internacional ALGORITMY 2020 – 21th Conference on Scientific Computing, celebrado en Eslovaquia do 10 ao 15 de setembro. Ademais, a investigadora Beatriz Salvador Mancho tamén participou impartindo unha charla invitada nunha das sesións especiais do congreso dedicada aos métodos matemáticos e computacionais en finanzas.
Os investigadores do CITIC Paula Fraga e Tiago M. Fernández recibiron un accésit nos Premios da Iniciativa IEEE Blockchain España ao Mellor Artigo de Revisión 2020 polo seu artigo “A Review on Blockchain Technologies for an Advanced and Cyber-Resilient Automotive Industry”.
Reumatoloxía
O investigador do CITIC Guillermo López Taboada impartiu a conferencia maxistral “Big Data para a mellora da nosa calidade de vida” no XIX Curso de Titores e Residentes da Sociedade Española de Reumatoloxía (SER).
