O uso da tecnoloxía para facilitar a inclusión das persoas con diversidade funcional. Esta é a liña do traballo principal da investigadora CITIC, Thais Pousada, que está desenvolver na actualidade o proxecto de “Contornas personalizadas de realidade virtual para a intervención con persoas con diversidade funcional”.
A investigadora do CITIC, Verónica Bolón, lidera desde a UDC o estudo sobre os denominados algoritmos verdes, no marco do recente plan nacional aprobado polo Goberno a finais do pasado ano e que desenvolverá, ata o 2025, solucións TIC aos desafíos ecolóxicos baseadas en intelixencia artificial (IA). O proxecto de investigación dá resposta ademais a un dos obxectivos da futura AESIA sobre o uso responsable co medio ambiente da IA.
Este martes 31 de xaneiro o CITIC acolleu a primeira sesión do ano dos Almorzos TIC Talk, na que Adriana Anido Alonso e Manuel Silva Díaz expuxeron as liñas de investigación nas que están a traballar actualmente.
Hoxe tivo lugar no salón de actos da Facultade de Informática da UDC a Asemblea Ordinaria do CITIC 2023, na que o director do centro, Manuel F. González Penedo, presentou a toda a comunidade CITIC os resultados e as accións realizadas na anualidade 2022 nas áreas de investigación, transferencia e innovación, formación, comunicación e RRI (Responsible Research and Innovation).
Os investigadores do CITIC Jorge Castiñeiras Rella e Ángel López Oriona participaron na “15th International Conference of the ERCIM WG on Computational and Methodological Statistics” (CMStatistics 2022) celebrada no King´s College de Londres, do 17 ao 19 de decembro, de maneira híbrida.
O CITIC da UDC vén de presentar os resultados de dous proxectos de investigación con base na Intelixencia Artificial (IA) para loitar contra o impacto na saúde da COVID-19. Trátase do programa sobre Ciencia e enxeñaría de datos para avaliación, predición poboacional e personalizada da evolución da enfermidade (CEDCOVID), dirixido por Ricardo Cao Abad e Manuel F. González Penedo; e do que estuda a predición da estrutura de proteínas de SARS-CoV-2 con técnicas de IA, liderado por José Santos Reyes.
O CITIC da UDC captou fondos por valor de 1,7 millóns de euros a través de dúas convocatorias de proxectos orientados á transición ecolóxica e dixital e de innovación do Plan Estatal de Investigación Científica 2021-2023. Concretamente foron dez os proxectos seleccionados, na súa maioría parte pertencentes á area de Intelixencia Artificial.
Este martes 29 de novembro o CITIC acolleu a sétima e última sesión do ano dos Almorzos TIC Talk. Os protagonistas do encontro, que ten a finalidade de achegar o traballo realizado no centro nun ambiente distendido, foron Christian Álvarez Peláez e Manuel Lagos Rodríguez.
Crear robots máis autónomos que resolvan situacións reais no sector agroalimentario, no entretemento educativo, no campo da produción industrial non estruturada e no comercio. Este é o obxectivo principal do proxecto PILLAR-Robots (Purposeful Intrinsically motivated Lifelong Learning Autonomous), un consorcio internacional liderado desde o Centro de Investigación TIC (CITIC) da UDC, nacido ao amparo do programa Horizonte Europa.
O pasado 15 de novembro, coincidindo co Día Nacional das Enfermidades Neuromusculares, a Federación ASEM presentou a Guía de Recursos Sociosanitarios e Educativos para Persoas con Enfermedades Neuromusculares, que contou coa participación de investigadoras do CITIC lideradas por Thais Pousada. Trátase dunha versión actualizada e ampliada da guía realizada en 2013, e xorde da necesidade de ofrecer información máis completa e adaptada a un formato dixital para facilitar a procura de recursos.
A investigadora do CITIC Nieves R. Brisaboa foi seleccionada para formar parte da plataforma “Científicas e Innovadoras”, un proxecto do Ministerio de Ciencia e Innovación a través da súa Unidade de Mulleres e Ciencia e a Fundación Española para a Ciencia e a Tecnoloxía (FECYT). Esta iniciativa ten a finalidade de dar visibilidade e poñer en valor a científicas e innovadoras españolas recoñecidas no ámbito nacional e internacional. As investigadoras seleccionadas destacan polo seu importante labor científico-técnico nas súas diferentes disciplinas e son referentes para as novas xeracións de investigadoras.
Tres proxectos nos que participa o Centro de Investigación TIC (CITIC) da Universidade da Coruña foron seleccionados pola entidade Red.es do Ministerio de Asuntos Económicos e Transformación Dixital e financiados con preto de 1,4 millóns de euros. Algoritmos de predición de superbacterias en hospitais, prevención de enfermidades profesionais e métodos intelixentes de minería de textos para melloras en vixilancia tecnolóxica teñen como denominador común a aplicación da intelixencia artificial á optimización de procesos en diferentes ámbitos de impacto económico e social.
