O investigador do CITIC José Luis Calvo Rolle ofrecerá unha conferencia online sobre sistemas intelixentes para a detección de anomalías e control avanzados, dentro do Máster Universitario en Modelación Matemática da Universidade de Salamanca.
A investigadora do CITIC e presidenta da AEPIA, Amparo Alonso, participa este xoves 27 de maio na sesión “Unlocking the potential of artificial intelligence in cancer research and care”, organizada polo Special Committee on Beating Cancer (BECA) do Parlamento Europeo en colaboración co Special Committee on Artificial Intelligence in a Digital Age (AIDA).
O 27 e 28 de maio terá lugar de modo online a décima edición da Startup Congress Galicia, feira de empresas emerxentes coñecida como LaconNetwork. O CITIC terá presenza neste evento acollendo o taller “Innovation Readiness” que se celebrará este xoves, 27 de maio ás 10:45 horas na sala GAIN do congreso.
A Noite Europea das Persoas Investigadoras é un evento de divulgación científica que se celebra de xeito simultáneo en cidades de toda Europa o último venres de setembro. O persoal investigador é o protagonista, amosando a diversidade da ciencia e tecnoloxía e o seu impacto na vida da cidadanía.
Este ano, esta iniciativa celebrarase en Galicia baixo a denominación “G-Night” e o lema “Conciencias creativas”.
A investigadora do CITIC Eva Blanco foi seleccionada para acceder á fase nacional do concurso A túa Tese Doutoral nun Fío de Twitter: #HiloTesis, organizado por por Crue Universidades Españolas. Este concurso ten o obxectivo de promover a actividade divulgadora entre o estudantado de Doutoramento das universidades que forman parte desta asociación. Así, a investigadora foi capaz de explicar o tema central que aborda na súa tese: a transferencia de coñecemento entre sistemas intelixentes.
A artista de Character FX (CFX) e profesora da UDC, Fátima Davite Aguiar, impartirá o vindeiro martes 25 de maio unha charla dentro do programa “Das TIC ao ceo”, impulsado polo CITIC e o Consello Social da UDC para fomentar vocacións científico-tecnolóxicas entre estudantes de secundaria e bacharelato. Fátima Davite ofrecerá unha conferencia online ao alumnado do IES Ortigueira, que estará moderada polo subdirector do CITIC, Javier Pereira.
O próximo 29 de maio de 2021, ás 9:30 horas, terá lugar de maneira virtual o I Encontro Maker pola Discapacidade Física e Orgánica. O evento está organizado pola Confederación de Persoas con Discapacidade Física e Orgánica de Castela e León, e conta coa colaboración da Universidade de Burgos e do CITIC da Universidade da Coruña.
Este martes, 18 de maio, tivo lugar a inauguración do Demostrador Tecnolóxico do CITIC, un espazo de divulgación da actividade de I+D+i que se realiza no centro. O acto contou coa presenza do conselleiro de Cultura, Educación e Universidade, Román Rodríguez; o secretario xeral de Universidades, José Alberto Díez de Castro; a alcaldesa da Coruña, Inés Rey; o reitor da Universidade da Coruña, Julio Abalde; o presidente do Consello Social da UDC, Antonio Abril; o vicerreitor de Política Científica, Investigación e Transferencia da UDC, Salvador Naya; e o director do CITIC, Manuel F. González Penedo.
O investigador do CITIC Vicente Moret foi convidado pola empresa Electricité de France (EDF) a impartir unha charla sobre Razoamento Aproximado, Intelixencia artificial e Computación Cuántica. A conferencia, que terá lugar o próximo mes de setembro, está enmarcada no proxecto europeo NEASQC, no que participa o CITIC.
O investigador do CITIC José Luis Calvo Rolle foi convidado polo Instituto de Robótica e Informática Industrial, centro mixto de investigación do Consello Español de Investigacións Científicas (CSIC) e a Universidade Politécnica de Cataluña (UPC), situado en Barcelona. A estancia realizarase do 13 ao 17 de xuño enmarcada no instrumento “Visitors of Excellence” do Programa Estratéxico María de Maeztu.
Os investigadores do CITIC Manuel Oviedo e Rubén Fernández participarán no X Seminario Internacional de Estatística Aplicada, que ten lugar do 11 ao 15 de maio organizado pola Sociedade Ecuatoriana de Estatística. Manuel Oviedo impartirá o taller “Análise de datos funcionais coa librería fda.usc de R”; mentres que Rubén Fernández ofrecerá a conferencia maxistral “Xeoestadística non paramétrica co paquete npsp”. Ambas as actividades terán lugar o vindeiro martes 11 de forma online.
O CITIC presenta a IV edición do Congreso XoveTIC, que terá lugar en formato virtual os días 7 e 8 de outubro de 2021. Este evento científico está destinado ao persoal investigador júnior (predoutoral e posdoutoral) para presentar comunicacións orais ou pósteres das súas investigacións no ámbito do TIC. Ademais, tamén terán lugar conferencias plenarias e talleres de formación. Así, o obxectivo do XoveTIC é construír un espazo de encontro para o debate científico e contribuír á formación dos mozos investigadores.
PO FEDER Galicia 2021 - 2027
Operacións financiadas pola Xunta de Galicia e a Unión Europea a través do Fondo Europeo de Desenvolvemento Rexional co obxectivo temático de "Unha Europa máis intelixente: transformación económica innovadora e intelixente".
