Este martes 18 de outubro o CITIC recibiu a visita de 18 estudantes de bacharelato do Colexio Plurilingüe Compañía de María, algunhas/os das/os cales participan en proxectos do programa STEMbach baixo a titoría de Carlos Dafonte e Minia Manteiga.
O CITIC participará un ano máis na G-NIGHT, a Noite Europea das Persoas Investigadoras, que se celebra este venres 30 de setembro. No CITIC realizarase unha visita divulgativa polas instalacións do centro, con énfase no Demostrador Tecnolóxico e no Laboratorio de Realidade Virtual e Localización, onde os/as asistentes poderán probar diferentes desenvolvementos de realidade virtual, realidade aumentada, robótica, etc.
O rexistro de asistencia para o V Congreso XoveTIC, que terá lugar o 5 e 6 de outubro no CITIC e a Facultade de Informática da UDC, está aberto ata o próximo 16 de setembro. O evento, organizado polo CITIC, celebrarase de novo en formato presencial tras dúas edicións online debido á pandemia. Trátase dun congreso destinado a investigadores/as júnior, ofrecéndolles un espazo de encontro para o debate científico, onde presenten os seus traballos no ámbito das TIC.
O encontro está enmarcado nun proxecto máis amplo que analiza o papel e funcións das mulleres no mundo editorial galego desde o ano 1975 ata o 2000, dirixido pola profesora Carme Fernández Pérez-Sanjulián. O CITIC desenvolverá o sistema de información do proxecto, integrando unha base de datos e un buscador a un catálogo informatizado de mulleres con actividade no sector editorial de Galicia.
O xoves 23 de xuño o CITIC acolleu a xornada de peche do programa Inspira STEAM 2022 na provincia da Coruña, que estivo coordinado pola investigadora Verónica Bolón e que conta co apoio do CITIC e o Campus Innova da UDC. Ao acto acudiron mentoras/es e titoras/es participantes na iniciativa para compartir os resultados obtidos na primeira edición do programa, que busca fomentar as vocacións científico-tecnolóxicas entre a xuventude.
O xoves 17 de xuño tivo lugar o acto de peche da segunda edición do proxecto Talentos Inclusivos, posto en marcha polo CITIC da UDC e ASPACE Coruña. A iniciativa ten a finalidade de espertar vocacións tecnolóxicas entre a xuventude e sensibilizar sobre a parálise cerebral.
Este xoves 9 de xuño, o CITIC, o CICA e o CITEEC recibimos a visita de alumnado de 5º de primaria do CEIP Juan Fernández Latorre como premio da iniciativa “Atrévete a pescudar con elas!”, organizada pola Unidade de Divulgación Científica e Cultural da Universidade da Coruña.
O vindeiro xoves 23 de xuño celebrarase na sala Cloud do CITIC a xornada de peche do programa Inspira STEAM 2022 na provincia da Coruña. No acto compartiranse os resultados obtidos nesta primeira edición do programa, coordinado pola investigadora do CITIC Verónica Bolón e que conta co apoio Campus Innova da UDC, dirixido pola investigadora Susana Ladra.
El CITIC participará, un año más, en la Maker Faire Galicia presentando dos proyectos, organizando una mesa redonda en torno a su proyecto Talentos Inclusivos y un hackathon de tecnologías de apoyo.
Con motivo do Día do Neno Hospitalizado, o CITIC participou nun taller lúdico-pedagóxico de robótica dirixido a nenos ingresados no Complexo Hospitalario Universitario de Santiago (CHUS). A actividade tivo lugar o venres 13 de maio, organizada polo Colexio Profesional de Enxeñaría en Informática de Galicia (CPEIG) en colaboración coa Asociación de Axuda a Nenos Oncolóxicos de Galicia (ASANOG).
A investigadora do CITIC Minia Manteiga, que actualmente exerce o cargo de vicepresidenta da Sociedade Española de Astronomía (SEA), asistiu onte, na sede do CSIC de Madrid, ao acto de presentación da primeira imaxe dun buraco negro situado no centro da nosa galaxia, a Vía Láctea.
Os días 10 e 11 de maio tivo lugar o I Congreso de Innovación Educativa e Dixital, DixInnova 2022, no Edificio Fontán da Cidade da Cultura de Santiago. O CITIC presentou o proxecto Talentos Inclusivos, xunto con ASPACE Coruña, ao profesorado e alumnado de centros educativos de toda Galicia.
