Os equipos de traballo do proxecto Talentos Inclusivos, promovido polo CITIC e Aspace Coruña, están cada día máis preto de resolver os retos tecnolóxicos plantexados nesta segunda edición, iniciada ao comezo do actual curso escolar.
O mércores 4 de maio a investigadora do CITIC Thais Pousada, convidada pola Escola Superior de Saúde Santa María de Oporto, impartiu un webinar sobre Tecnoloxías e Produtos de apoio dirixidos a potenciar a autonomía das persoas con diversidade funcional.
O CITIC participará cunha caseta propia no Día da Ciencia na Rúa, que se celebrará o vindeiro 7 de maio no Parque de Santa Margarita da Coruña. O CITIC foi convidado a formar parte deste evento, promovido polo Concello da Coruña a través dos Museos Científicos, para mostrar diferentes proxectos de investigación levados a cabo no centro, así como os desenvolvementos en torno ao proxecto Talentos Inclusivos, que promove solucións tecnolóxicas para persoas con diversidade funcional.
Con motivo do Día Internacional das Nenas nas Tecnoloxías da Información e a Comunicación celebrado o 28 de abril, as nosas investigadoras Luz Castro e Amparo Alonso participaron na campaña corporativa da CRTVG #FaiClic.
O próximo 22 de abril, de 9:30 h a 13:00 h, terá lugar o II Encontro Maker pola Discapacidade Física Orgánica en formato en liña a través de Youtube. O evento está organizado pola Confederación de Persoas con Discapacidade Física e Orgánica de Castela e León, e conta coa colaboración da Universidade de Burgos e do CITIC da Universidade da Coruña.
O Campus Innova da UDC, dirixido pola investigadora do CITIC Susana Ladra, organiza a xornada “Cultura Dixital: capacidades, retos e oportunidades non Sistema Ciencia-Tecnoloxía de Galicia”, que terá lugar o venres 22 de abril de 2022 a partir das 9:30 h no auditorio do Edificio Fontán da Cidade da Cultura de Santiago de Compostela. A axenda do evento inclúe a participación das investigadoras do CITIC Margarita Alonso e Ángeles Saavedra.
Este xoves 7 de abril o CITIC recibiu a visita dun grupo alumnos e alumnas que participan nun programa Erasmus+, coordinado desde o CPI Virxe da Cela de Monfero. Coñeceron o CITIC un total de 27 estudantes acompañados por 10 profesores e profesoras, procedentes de Romanía, Turquía, Portugal e Finlandia.
As investigadoras do CITIC Bertha Guijarro, Susana Ladra e Verónica Bolón participaron o pasado 25 de marzo en Women in Data Science – WiDS Coruña, que se celebrou no Hotel NH Collection A Coruña Fisterra. Este acto ten o obxectivo de dar visibilidade a mulleres relevantes no ámbito da ciencia de datos.
Este martes 29 de marzo deu comezo unha nova iniciativa organizada pola comisión de formación do CITIC, consistente nun ciclo de reunións dirixidas a membros do CITIC que se atopan nas primeiras etapas da súa carreira investigadora, pensadas para compartir a investigación que se realiza no centro nun ambiente informal. Os Almorzos TIC Talk terán unha periodicidade mensual e buscan potenciar a transversalidade e promover posibles colaboracións entre o persoal investigador.
Esta mañá o CITIC recibiu a visita de 18 alumnos e alumnas, acompañados de dous profesores, do IES A Pinguela de Monforte de Lemos que actualmente cursan Ciclo Formativo de Grao Medio de Sistemas Microinformáticos e Redes e Ciclo Formativo de Grao Superior de Desenvolvemento de Aplicacións Web.
Tendo como protagonista a lingua, así como as distintas perspectivas profesionais de acceso á mesma, celébrase o ciclo de conferencias “Tirando da lingua: como traballar en diferentes sectores grazas ao coñecemento lingüístico”, organizado por persoal investigador do CITIC.
O 12 de marzo o Museo Nacional de Ciencia y Tecnología (MUNCYT), na súa sede da Coruña, uníase á celebración do Día Internacional das Matemáticas ofrecendo unha programación especial orientada a todo tipo de público.
