A investigadora do CITIC, Susana Ladra, participou o 29 de xuño na xornada Enxeñaría x Mulleres, promovida polo centro de investigación atlanTIC da Universidade de Vigo, dentro da mesa redonda Diálogos con Enxeñeiras.
O programa educativo Inspira STEAM, promovido pola Universidade de Deusto e coordinado na Coruña pola investigadora Verónica Bolón do CITIC da Universidade da Coruña, celebrou este mércores 21 de xuño o peche da edición correspondente a este curso. Este programa ten como obxectivo fomentar as vocacións científico-tecnolóxicas entre os estudantes, especialmente entre as nenas, e contou este ano coa participación de catro centros: o IES Ramón Menéndez Pidal, o CPR Sagrado Corazón Franciscanas, o Colexio Santo Domingo e o CEIP Teixeiro.
O programa Talentos Inclusivos celebrou este venres na Domus de A Coruña o peche da súa terceira edición, correspondente ao curso 2022-2023, cunha feira científica na que se expuxeron os proxectos desenvolvidos polos dez centros educativos participantes, da provincia da Coruña e, por primeira vez, de Ourense.
Hoxe os centros de investigación do Campus de Elviña CITIC, CICA e CITEEC recibiron a visita dun grupo de 20 alumnos e alumnas do IES Camilo José Cela de Padrón. A visita aos centros de investigación está enmarcada na iniciativa “Atrévete a pescudar con elas!”, organizada pola Unidade de Divulgación Científica e Cultural da Universidade da Coruña.
Ricardo Cao y Rebeca Peláez han impartido dos conferencias en el I Joint Workshop on Functional Data Analyisis and Nonparametric Statistics, celebrado del 6 al 9 de junio en Miraflores de la Sierra, Madrid.
Entre os días 1 e 4 de xuño celebrouse en Santiago de Compostela unha nova edición desta feira internacional de inventores de ámbitos tan diversos como a arte, os videoxogos, a intelixencia artificial ou a biotecnoloxía, e que pretende poñer en valor a parte máis lúdica da innovación.
O CITIC recibiu onte a visita dun grupo de alumnos e alumnas da Universidade Senior da UDC, o programa universitario de maiores da Universidade da Coruña dirixido a persoas de idade igual ou superior a 50 anos.
O VI Congreso XoveTIC organizado polo CITIC, unha cita referencial para dar visibilidade ao talento tecnolóxico das novas xeracións de investigadoras e investigadores, celebrarase os días 5 e 6 de outubro de 2023 no CITIC e na Facultade de Informática da UDC.
Este martes, 30 de maio, tivo lugar na sala Cloud do CITIC unha nova sesión dos Almorzos TIC Talk que contou nesta ocasión coa participación da investigadora Beatriz Piñeiro Lambas e o investigador Alberto Muñoz Ortiz.
A astronauta na reserva da Axencia Espacial Europea (ESA) Sara García visitou no día de onte o CITIC, onde coñeceu as súas principais investigacións, así como o programa desenvolvido con Aspace Coruña, no que participan 200 estudiantes de toda Galicia.
Xunto a Pedro Duque participou na xornada “Presente e Futuro da Industria Aeroespacial Europea: Investigación, Colaboración e Emprendemento”, organizada polo Consello Social da UDC.
O 25 de maio ás 11:55 h, Susana Ladra, investigadora do CITIC, directora do Campus Innova e profesora da UDC, impartirá a primeira charla do IV Ciclo de Conferencias “Aida Fernández Ríos”, unha iniciativa impulsada pola Deputación de Pontevedra e a Real Academia Galega de Ciencias. Susana Ladrá falará sobre “Big Data e Xenómica” ao alumnado de 4º a ESO do IES Illa de Ons de Bueu.
O CITIC participará, un ano máis, na Maker Faire Galicia, a maior da península, tanto en número de xornadas como en asistentes e proxectos presentados. Esta edición, que se desenvolverá do 1 ao 4 de xuño na Cidade da Cultura de Santiago, contará cun variado programa e a participación de especialistas en distintas áreas de coñecemento que compartirán contidos e proxectos relacionados coa innovación social e cultural, a innovación educativa e a innovación empresarial.
