Hoxe visitou o CITIC un grupo de 22 alumnos e alumnas de 1º de Bacharelato do Colegio Sagrado Corazón, Franciscanas, da Coruña.
O alumnado foi recibido na sala Demostrador Tecnolóxico polo subdirector do CITIC, Javier Pereira, quen realizou unha breve presentación do centro e faloulles das principais liñas de investigación.
Esta mañá visitaron o CITIC un grupo de 30 alumnos e alumnas de primeiro curso do Grao en Intelixencia Artificial da UDC, acompañados pola súa profesora e membro do Comité de Dirección do CITIC Adriana Dapena.
O alumnado foi recibido polo subdirector do CITIC, Javier Pereira, quen realizou unha breve presentación do centro e faloulles das principais liñas de investigación.
O alumnado do Colexio de Carmelitas de Ourense, que participa nesta terceira edición do proxecto, coñeceu esta mañá da man das persoas usuarias de ASPACE Coruña as barreiras ás que se enfrontan día a día as persoas con parálise cerebral e tamén como poden contribuír a través da tecnoloxía a mellorar a súa calidade de vida solucionando os retos planeados.
O CITIC recibiu esta mañá un grupo de 20 membros da Asociación Grupo de Mayores de Telefónica da Coruña. Tras unha breve exposición das liñas de actividade do CITIC, os asistentes puideron coñecer algúns exemplos de proxectos do ámbito da robótica, como o Robobo, deseñado integramente por persoal investigador do CITIC, ou o NAO, robot que conta con diversos mecanismos e sensores para realizar todo tipo de movementos e tarefas.
A investigadora do CITIC, Verónica Bolón, lidera desde a UDC o estudo sobre os denominados algoritmos verdes, no marco do recente plan nacional aprobado polo Goberno a finais do pasado ano e que desenvolverá, ata o 2025, solucións TIC aos desafíos ecolóxicos baseadas en intelixencia artificial (IA). O proxecto de investigación dá resposta ademais a un dos obxectivos da futura AESIA sobre o uso responsable co medio ambiente da IA.
As investigadoras do CITIC Ana López Cheda, Verónica Bolón Canedo e Adriana Dapena Janeiro participarán este venres 10 de febreiro, de 10:20 h a 13:10 h, na iniciativa “Directo 11F: Conecta con enxeñeiras informáticas” con tres charlas en formato en liña, organizadas polo MUNCYT da Coruña e a Facultade de Informática da UDC.
O próximo 22 de febreiro ás 17:00 horas a sala Cloud do CITIC acollerá a conferencia “Artificial Intelligence in Education” que estará impartida pola profesora da Old Dominion University Helen Crompton. A conferencia abordará as consideracións sobre o uso da IA na educación (AIEd).
O 1 e 2 de febreiro as investigadoras Ana López-Cheda, Beatriz Piñeiro, Naomi Diz, Amalia Jácome e Graciela Estévez participaron nas Xornadas de Portas Abertas da Facultade de Ciencias da UDC con dúas actividades relacionadas co cálculo de probabilidades.
Esta mañá o CITIC recibiu a visita dun grupo de 13 estudantes de bacharelato e dous profesores do IES Marqués de Sargadelos de San Cibrao (Lugo).
O pasado martes, 31 de xaneiro, tivo lugar no IES Miraflores de Oleiros outra sesión sobre Ciencia Datos dirixida a alumnado de 1º de bacharelato do centro que participan no programa STEMbach da Xunta de Galicia. Nesta ocasión, impartiron a sesión os investigadores do CITIC Ricardo Cao e Inés Barbeito.
As investigadoras do CITIC Ana López-Cheda e Rebeca Peláez impartiron o pasado 24 de xaneiro un taller sobre análise de datos a alumnado de 1º de bacharelato do IES Miraflores de Oleiros que participan no programa STEMbach.
O próximo 10 de febreiro pola tarde terá lugar na Facultade de Informática da UDC a Olimpíada Informática Galega 2023 (OIG 2023) na que participarán 37 estudantes de secundaria, bacharelato e ciclos formativos de grao medio de centros educativos de Galicia.
