O director da nova Cátedra será o investigador do CITIC Marcos Ortega. O CITIC da UDC e ITG posiciónanse como referentes no desenvolvemento de tecnoloxía para drones.
Esta mañá incorporáronse ao CITIC 16 investigadores que se integrarán ao equipo do proxecto CEDCOVID: Ciencia e enxeñería de datos para a avaliación, predición poboacional e personalizada da evolución da enfermidade COVID-19. O novo equipo investigador desenvolverá durante os próximos tres meses tarefas de procesamento, análise e visualización de datos relacionados coa pandemia COVID-19.
O financiamento está enmarcado nunha axuda recibida pola Universidade da Coruña de máis de 4,4 millóns de euros destinada a reforzar os seus centros e unidades de I+D+i.
O CITIC poñerá en marcha un laboratorio singular centrado en intelixencia artificial e analítica de datos, que constituirá unha das infraestruturas máis relevantes en intelixencia artificial en Galicia, xunto co Centro de Procesamento de Datos (CPD) do centro.
A Xunta de Galicia resolveu este mes de xuño as axudas de apoio á etapa de formación predoutoral e posdoutoral nas universidades do SUG, nos organismos públicos de investigación de Galicia e noutras entidades do Sistema de I+D+i galego. No caso das bolsas predoutorais, o CITIC obtivo 8 axudas das 15 concedidas na rama de enxeñería e arquitectura. Pola súa banda, na convocatoria de axudas posdoutorais, o CITIC conseguiu 1 das 11 outorgadas na área de enxeñería e arquitectura.
A investigadora do CITIC Thais Pousada visitou a semana pasada a Lithuanian University of Health Sciences (LSMU), institución coa que a Universidade da Coruña acaba de asinar un convenio para facilitar a mobilidade entre estudantes e profesores.
O investigador do CITIC Vicente Moret foi convidado pola empresa Electricité de France (EDF) a impartir unha charla sobre Razoamento Aproximado, Intelixencia artificial e Computación Cuántica. A conferencia, que terá lugar o próximo mes de setembro, está enmarcada no proxecto europeo NEASQC, no que participa o CITIC.
Os investigadores do Centro de Investigación TIC (CITIC) da Universidade da Coruña, Carlos Dafonte, Minia Manteiga, Marco A. Álvarez e Daniel Garabato, integráronse recentemente no consorcio internacional que contribúe ao desenvolvemento da misión EUCLIDuclid da Axencia Espacial Europea (ESA). Trátase dunha ambiciosa misión que ten o obxectivo de investigar a orixe do universo, a historia da súa expansión e o crecemento das estruturas cósmicas durante os últimos 10.000 millóns de anos.
Os investigadores do CITIC Cristian R. Munteanu e Alejandro Pazos desenvolveron unha aplicación móbil con Intelixencia Artificial para a detección de pólipos de colon en imaxes de colonoscopia, en colaboración cun grupo internacional de programadores XLandC e a Rede Galega de Investigación sobre Cancro Colorrectal (REGICC). O equipo creou Polyp detector, unha aplicación gratuíta descargable desde Google Play.
Un equipo de investigadores do CITIC finalizou o proxecto AOAIRE -Desenvolvemento de tecnoloxía para o secado de produtos forestais-. O equipo estivo liderado polos investigadores do CITIC Marcos Gestal e Julián Dorado, xunto con Alejandro Pazos, Nieves Pedreira e Cristian R. Munteanu. O proxecto, financiado polo programa Conecta Peme, consiste en mellorar o rendemento dos sistemas de secado, probar novas tecnoloxías de secado e reducir o custo relacionado coas operacións de secado nos serradoiros de Galicia. A tarefa do equipo investigador centrouse en facilitar a cubicaxe da madeira nas operacións posteriores ao secado.
A Universidade da Coruña é unha das primeiras universidades españolas en instalar medidores de CO2 nas súas dependencias, garantindo así espazos de traballo seguros. Este proxecto de investigación de Intelixencia Artificial está coordinado polo investigador do CITIC Carlos Escudero, que é ademais adxunto do reitor para Tecnoloxías da Información e as Comunicacións.
O proxecto Ocuexplorer 5G desenvolveu unha ferramenta de tele-oftalmoloxía que pon ao alcance de toda a poboación un servizo avanzado de coidado oftalmolóxico. No proxecto colaboran Telefónica, o Centro Internacional de Oftalmoloxía Avanzada Prof. Fernández Vigo, Nokia, Idronia e o CITIC.
A investigadora do Grupo de Microbioloxía do Instituto de Investigación Biomédica da Coruña (INIBIC), Margarita Poza, foi invitada a participar este luns 22 de marzo no foro organizado pola Comisión Europea “SARS-CoV-2 Monitoring employing Sewers. Designing the EU Sewer Sentinel System for SARS-CoV-2 (EUS4)”. A microbióloga explicará os resultados do proxecto COVIDBENS (Monitorización de variantes do SARS-CoV-2 en augas residuais da Coruña), que lidera e do que tamén forman parte os investigadores do CITIC Susana Ladra e Ricardo Cao.
PO FEDER Galicia 2021 - 2027
Operacións financiadas pola Xunta de Galicia e a Unión Europea a través do Fondo Europeo de Desenvolvemento Rexional co obxectivo temático de "Unha Europa máis intelixente: transformación económica innovadora e intelixente".
