O investigador do CITIC Vicente Moret participará como conferenciante no evento “Atos Tech Days”, que se celebrará o 7 e 8 de xullo. Trátase da sexta edición do evento anual organizado pola empresa Atos, onde presenta a súa estratexia de ecosistema de plataforma dixital no que participan oradores internacionais da súa rede de innovación.
As investigadoras do CITIC Amparo Alonso, Bertha Guijarro e Noelia Sánchez e o investigador Alejandro Rodríguez organizaron unha sesión especial no congreso IWANN 2021 – IWANN: International Work-Conference on Artificial and Natural Neural Networks, que se celebrou do 16 ao 28 de xuño de forma online.
O CITIC recibiu este mércores 30 de xuño a visita de dúas profesoras e un profesor da Escola Superior de Educação e Ciências Sociais do Politécnico de Leiria de Portugal. Trátase do director da entidade, Pedro Morouco, a subdirectora, Dina Dos Santos Tavares, e a coordinadora do Centro de Recursos para a Inclusão Digital, Celia Sousa.
Esta mañá incorporáronse ao CITIC 16 investigadores que se integrarán ao equipo do proxecto CEDCOVID: Ciencia e enxeñería de datos para a avaliación, predición poboacional e personalizada da evolución da enfermidade COVID-19. O novo equipo investigador desenvolverá durante os próximos tres meses tarefas de procesamento, análise e visualización de datos relacionados coa pandemia COVID-19.
A Xunta de Galicia, a través da Consellería de Cultura, Educación e Universidade e da Vicepresidencia Segunda e Consellería de Economía, Empresa e Innovación, resolveu as axudas para a consolidación e estruturación de unidades de investigación competitivas e outras accións de fomento nas universidades do SUG, nos organismos de investigación de Galicia e noutras entidades do Sistema galego de I+D+i para o ano 2021.
O CPEIG e a AMTEGA, en colaboración co tres universidades galegas, puxo en marcha o campamento tecnolóxico Mática, coa finalidade de potenciar as vocacións tecnolóxicas e fomentar o atractivo das profesións dixitais en mozas de entre 12 e 18 anos. Na Universidade da Coruña, a sede foi a Facultade de Informática, onde se desenvolveron charlas e talleres durante os días 28, 29 e 30 de xuño, coordinados polas investigadoras do CITIC Susana Ladra e Aida Vidal, responsables da iniciativa na UDC.
Os investigadores do CITIC Daniel Iglesias, Joaquim de Moura, Jorge Novo e Marcos Ortega presentaron un traballo no 2021 IEEE International Conference on Acoustics, Speech and Signal Processing (IEEE ICASSP 2021), que se celebrou do 6 ao 11 de xuño de forma virtual. Trátase dun dos congresos máis relevantes a nivel internacional nos ámbitos de acústica, fala e procesado de sinais.
Os investigadores do CITIC Daniel Iglesias, Joaquim de Moura, Jorge Novo e Marcos Ortega presentaron un traballo no 2021 IEEE International Conference on Acoustics, Speech and Signal Processing (IEEE ICASSP 2021), que se celebrou do 6 ao 11 de xuño de forma virtual. Trátase dun dos congresos máis relevantes a nivel internacional nos ámbitos de acústica, fala e procesado de sinais.
O financiamento está enmarcado nunha axuda recibida pola Universidade da Coruña de máis de 4,4 millóns de euros destinada a reforzar os seus centros e unidades de I+D+i.
O CITIC poñerá en marcha un laboratorio singular centrado en intelixencia artificial e analítica de datos, que constituirá unha das infraestruturas máis relevantes en intelixencia artificial en Galicia, xunto co Centro de Procesamento de Datos (CPD) do centro.
14 empresas galegas buscarán cubrir as súas necesidades en tecnoloxías dixitais o próximo 1 de xullo no evento promovido por Cologistics Business Accelerator (CBA), que contará coa participación do CITIC.
A Xunta de Galicia resolveu este mes de xuño as axudas de apoio á etapa de formación predoutoral e posdoutoral nas universidades do SUG, nos organismos públicos de investigación de Galicia e noutras entidades do Sistema de I+D+i galego. No caso das bolsas predoutorais, o CITIC obtivo 8 axudas das 15 concedidas na rama de enxeñería e arquitectura. Pola súa banda, na convocatoria de axudas posdoutorais, o CITIC conseguiu 1 das 11 outorgadas na área de enxeñería e arquitectura.
Este luns 28 de xuño visitaron o CITIC un grupo de catro estudantes de 1º de bacharelato e dous profesores do CPR Tirso de Molina de Ferrol que están a participar nun proxecto STEMbach sobre “Impresión 3D de produtos de apoio para persoas con diversidade funcional”, dirixido pola investigadora Thais Pousada, quen os recibiu no centro.
