A investigadora do CITIC Susana Ladra impartirá do 16 ao 19 de agosto o taller “Algoritmos para o aliñamento e ensamblaxe de secuencias biolóxicas”, organizado pola Facultade de Enxeñería da Universidade de Concepción (Chile).
A investigadora do CITIC Nieves R. Brisaboa impartirá un relatorio na Aula de Verán “Blas Cabrera” de iniciación á investigación, a docencia e a innovación científica, que se desenvolverá entre o 8 e o 12 de agosto no Palacio da Magdalena de Santander, organizada pola Universidade Internacional Menéndez Pelayo (UIMP) en colaboración co Ministerio de Ciencia e Innovación.
O investigador do CITIC Ángel López Oriona foi premiado na 17th Conference of the International Federation of Classification Societies (IFCS 2022), celebrada do 19 ao 23 de xullo no Porto, polo seu traballo Unsupervised classification of categorical time series through innovative distances, que desenvolveu xunto co investigador do CITIC José Antonio Vilar e o profesor da Universidade de Roma A Sapienza, Pierpaolo D’Urso.
Entrevistamos ao noso investigador predoutoral Ángel López Oriona tras unha estadía de tres meses na Universidade de Sídney. O seu traballo investigador alí desenvolveuse ao redor do desenvolvemento de algoritmos clustering de series temporais.
O Centro de Investigación TIC (CITIC) da Universidade da Coruña acolleu este venres, 15 de xullo, o acto de presentación do “Innova Club”, unha pioneira iniciativa que nace co obxectivo de ofrecer solucións a retos empresariais difíciles de resolver de xeito individual e cos medios tradicionais. Así, proponse a creación de equipos organizados de maneira personalizada, formados por expertos de empresas tecnolóxicas, profesionais, profesores e alumnos universitarios, que se encargarán de deseñar solucións para dar resposta a necesidades reais do mercado.
Un equipo de investigadores/as do CITIC organizan o seminario “Contribucións en Análise Factorial Dinámico: aplicacións en Mercados de Enerxía e en Economía”, impartido pola profesora da Escola Técnica Superior de Enxeñeiros Industriais da Universidade Politécnica de Madrid, Carolina García-Martos. A sesión terá lugar o vindeiro luns 18 de xullo a partir das 11:30 h na aula de Graos Víctor Gulías da Facultade de Informática da UDC.
A pasada semana un grupo de investigadores/as da Universidade de Alcalá visitou o CITIC para poñer en marcha a plataforma robótica LOLA, un robot de baixo custo con intelixencia artificial que foi entregado a ASPACE Coruña para proporcionar asistencia a persoas con parálise cerebral. Esta plataforma desenvolveuse no marco do proxecto AIR4DP (Artificial Intelligence and Robotic Assistive Technology devices for Disabled People), no que colabora o CITIC xunto co grupo GRAM da Universidade de Alcalá e o grupo TAIS da Universidade de Sevilla.
A investigadora do CITIC Thais Pousada participou en Cracovia como representante da UDC na primeira reunión presencial co equipo internacional do proxecto Erasmus+ GivingCare, no que colabora xunto con Laura Nieto e Nereida Canosa.
O encontro está enmarcado nun proxecto máis amplo que analiza o papel e funcións das mulleres no mundo editorial galego desde o ano 1975 ata o 2000, dirixido pola profesora Carme Fernández Pérez-Sanjulián. O CITIC desenvolverá o sistema de información do proxecto, integrando unha base de datos e un buscador a un catálogo informatizado de mulleres con actividade no sector editorial de Galicia.
Este martes 28 de xuño celebrouse a cuarta sesión dos Almorzos TIC Talk, un ciclo de reunións que ten a finalidade de compartir a investigación realizada no CITIC nun ambiente informal. Neste encontro, os investigadores Elmurod Kuriyozov e Óscar Ibáñez, que se integraron recentemente no CITIC, explicaron as súas liñas de investigación ao persoal do centro que se atopa nas primeiras etapas da súa carreira investigadora, introducidos por David Vilares, membro da comisión de formación.
A profesora do Politécnico de Leiria de Portugal e membro do CRID (Centro de Recursos para a Inclusão Dixital), Marta Nogueira, visitou o CITIC o pasado mércores 22 de xuño para coñecer o programa Espazo Compartido da UDC e diferentes propostas que desenvolve o CITIC para a mellora das condicións dixitais para persoas con discapacidade.
Este luns presentouse a terceira publicación de datos de Gaia, misión espacial da Axencia Espacial Europea (ESA) que aporta o catálogo máis preciso e completo da Vía Láctea. O equipo de investigadores do CITIC que forman parte desta misión espacial están liderados pola astrofísica Minia Manteiga e o enxeñeiro informático Carlos Dafonte.
PO FEDER Galicia 2021 - 2027
Operacións financiadas pola Xunta de Galicia e a Unión Europea a través do Fondo Europeo de Desenvolvemento Rexional co obxectivo temático de "Unha Europa máis intelixente: transformación económica innovadora e intelixente".
