O investigador do CITIC Ricardo Cao participou na 27 Xornada Técnica SESA 2020: Aspectos sanitarios do control de augas residuais ante a COVID-19, organizada pola Sociedade Española de Sanidade Ambiental (SESA). O acto tivo lugar o pasado 16 de decembro en formato online.
O Ministerio de Universidades convocou as axudas Juan da Cierva e Ramón y Cajal, dentro do “Programa Estatal de Promoción del Talento y su Empleabilidad en I+D+i”.
O pasado 4 de decembro tivo lugar na Cidade da Cultura de Santiago de Compostela o acto de entrega de acreditacións a oito centros de investigación das tres universidades galegas: o CITIC, da Universidade da Coruña, o CIQUS, o CIMUS, o CITIUS e o IGFAE, da Universidade de Santiago de Compostela, e atlanTTic, CINBIO e CIM, da Universidade de Vigo.
O Centro de Investigación TIC (CITIC) da Universidade da Coruña acolleu este xoves, Día Internacional das Persoas con Discapacidade, a presentación do proxecto Talentos Inclusivos, desenvolto en colaboración con ASPACE Coruña e apoio do Consello Social da UDC. Esta iniciativa recibiu unha axuda de 30.000 euros por parte da Fundación Española para a Ciencia e a Tecnoloxía (FECYT), dependente do Ministerio de Ciencia, Innovación e Universidades.
A Academia Joven de España (AJE) abre unha nova convocatoria de 10 prazas de Académicos de Número. As solicitudes poderán ser enviadas ata o 15 de xaneiro de 2021.
O CITIC participa este luns 30 de novembro no Taller Proxectos I+D+i organizado polo Digital Innovation Hub Industrial de Galicia (DIHGIGAL). O CITIC estará representado polo responsable de Transferencia Tecnolóxica do centro, Manuel Bustabad. Este evento está orientado a motivar ás empresas a desenvolver os seus proxectos de I+D+i, así como a favorecer a conexión de oferta e demanda tecnolóxica e o intercambio de boas prácticas empresariais.
Os investigadores do CITIC David Novoa, Carlos Eiras e Óscar Fontenla son galardoados co “Premio ISDEFE I+D+I Antonio Torres” outorgado no marco do VIII Congreso Nacional de I+D en Defensa e Seguridade (DESEi+d 2020).
A investigadora do CITIC Aida Vidal acaba de recibir o XI Premio Proxecto Fin de Carreira/ Mestrado en Enxeñaría en Informática, outorgado polo Colexio Profesional de Enxeñaría en Informática de Galicia (CPEIG) polo seu traballo “Aplicación gamificada mediante realidade aumentada para incentivar a actividade física de pacientes pediátricos de longa estancia”. Este traballo estivo dirixido por Tiago Manuel Fernández Caramés e Paula Fraga Lamas, tamén investigadores do CITIC.
O vicerreitor de Política Científica, Investigación e Transferencia da UDC e presidente do Comité de Dirección do CITIC, Salvador Naya, participará o vindeiro xoves 26 de novembro de forma telemática no Ciclo de conferencias: matemática e as súas aplicacións 2020, organizado pola Escola Politécnica Nacional de Ecuador.
Continúa aberta a III Convocatoria de Impulsa Visión RTVE de Axudas á Investigación para Estudos Oficiais de Posgrao. Nesta edición solicítanse proxectos de Traballo de Fin de Mestrado sobre Intelixencia Artificial aplicada á Redacción Automática de Texto.
A investigadora do CITIC Amparo Alonso participará o próximo 25 de novembro na xornada “Un mundo híbrido, analóxico e dixital, é a ‘Nova Realidade’. TIC e Transformación Dixital”, organizada polo Círculo de Empresarios de Galicia.
O investigador do CITIC José Luis Calvo Rolle foi galardoado co Premio Best Application Paper on Machine Learning do Congreso Internacional IDEAL 2020, celebrado do 4 ao 6 de novembro en Guimarães, Portugal.
PO FEDER Galicia 2021 - 2027
Operacións financiadas pola Xunta de Galicia e a Unión Europea a través do Fondo Europeo de Desenvolvemento Rexional co obxectivo temático de "Unha Europa máis intelixente: transformación económica innovadora e intelixente".
