Este luns 28 de xuño visitaron o CITIC un grupo de catro estudantes de 1º de bacharelato e dous profesores do CPR Tirso de Molina de Ferrol que están a participar nun proxecto STEMbach sobre “Impresión 3D de produtos de apoio para persoas con diversidade funcional”, dirixido pola investigadora Thais Pousada, quen os recibiu no centro.
O Centro de Investigación TIC (CITIC) da Universidade da Coruña acolleu esta mañá o acto de presentación de resultados do proxecto Talentos Inclusivos, posto en marcha polo CITIC xunto con ASPACE Coruña, co apoio do Consello Social da UDC, a Fundación Española para a Ciencia e a Tecnoloxía (FECYT) e a Consellería de Cultura, Educación e Universidade da Xunta.
O director do CITIC Manuel F. González Penedo e o investigador Alejandro Pazos participaron onte na sesión de presentación do Programa de formación en Competencias Dixitais en Saúde para residentes, celebrada no salón de actos do Hospital Universitario da Coruña. Os investigadores coordinarán senllos módulos formativos no programa.
As investigadoras do CITIC Thais Pousada e Laura Castro participarán o próximo 17 de xuño no I Workshop Internacional Mulleres Investigadoras Innovan, organizado pola plataforma Son Pioneras, un proxecto da Universidade de Granada. Thais Pousada participará na mesa redonda “Dixitalización para a inclusión e Sociedade inclusiva” e Laura Castro intervirá la sesión “Clima, enerxía e materiais”.
A investigadora do CITIC Amparo Alonso participará o próximo 16 de xuño no evento Infoday CDTI – Intelixencia Artificial, enmarcado dentro do programa Horizonte Europa e coorganizado polo CDTI (Centro para o Desenvolvemento Tecnolóxico Industrial) e a AEPIA (Asociación Española para a Intelixencia Artificial).
Hoxe o CITIC recibiu a visita dun grupo de alumnos e alumnas de Tecnoloxía de 1º de bachillerato do IES de Elviña.
O subdirector do CITIC, Javier Pereira, mostroulles a sala Demostrador Tecnolóxico, onde o alumnado tivo a oportunidade de coñecer algúns dos proxectos desenvolvidos no CITIC.
A investigadora do CITIC Amparo Alonso participará este venres 11 de xuño na xornada “Cara a unha Galicia Intelixente”, organizada pola Xunta de Galicia. Durante esta xornada abordarase o papel das tecnoloxías intelixentes, especialmente a intelixencia artificial, na contribución á resolución dalgúns dos principais retos que enfronta a sociedade. O evento enmárcase na presentación da Estratexia Galega de Intelixencia Artificial 2030.
Este martes 8 de xuño, os investigadores Alejandro Cardesín e Gabriella Gilli visitaron o CITIC para coñecer as liñas de traballo en proxectos espaciais que se desenvolven desde o centro, co obxectivo de establecer unha posible futura colaboración científica.
O investigador do CITIC Guillermo López Taboada participa como asesor no ámbito da informática da exposición ‘Galicia Futura’, impulsada pola Xunta de Galicia con motivo do Xacobeo 2021. Esta mostra inaugurarase o 14 de xullo no Museo Centro Gaiás da Cidade da Cultura.
O CITIC colabora, un ano máis, na organización da Maker Faire Galicia, que se inaugura este martes 1 de xuño e desenvolverase entre o 2 e o 6 de xuño. A Maker Faire Galicia é a maior Maker Faire da península, tanto en número de xornadas como en asistentes e proxectos presentados.
A investigadora do CITIC Susana Ladra participará no debate “O liderado da muller na ciencia: retos e oportunidades” organizado pola Fundación CYD. O debate servirá para poñer en común os avances conseguidos e os temas aínda pendentes, como son a ausencia de referentes femininos, a invisibilidade de logros, o desfasamento de xénero na pirámide académica/científica, os estereotipos nas carreiras STEM e a desigualdade de oportunidades nas disciplinas técnicas e a invisibilidade dos logros femininos.
O CITIC recibiu esta mañá a visita dun grupo de estudantes de bacharelato de centros educativos de secundaria europeos que participan no proxecto AI+ Developing an Artificial Intelligence Curriculum adapted to European High School.
