Membros da Universidade Marta Abeu de Santa Clara, en Cuba, visitaron a UDC e o CITIC co fin de estreitar lazos e buscar novas vías de colaboración. Salvador Naya, vicerreitor de Política Científica, Investigación e Transferencia da UDC, e Manuel Penedo, director do CITIC, recibiron nas instalacións do centro á delegación.
Iñaki Amatria Barral, estudante da Universidade da Coruña, foi galardoado co Primeiro Premio no XX Certame Universitario Arquímedes de Introdución á Investigación Científica, do Ministerio de Universidades, cun traballo titorizado polos investigadores do CITIC Jorge González e Juan Touriño.
Fíxose pública a proposta de resolución provisional do procedemento de concesión de axudas 2022 a “Proyectos de Generación de Conocimiento” e a actuacións para a formación de persoal investigador predoctoral asociadas aos devanditos proxectos.
Carlos Gómez, membro do CITIC, convidou os investigadores Elmurod Kuriyozov, Sanatbek Matlatipov e Jaloliddin Rajabov da Universidade Nacional de Uzbekistán nomeada en honra a Mirzo Ulugbek, a realizar unha estancia no centro desde o 20 de agosto ata o 15 de setembro. O obxectivo da visita é a asistencia a un seminario formativo organizado con motivo do proxecto no que están a traballar.
O investigador do CITIC, David Alonso Ríos, asistiu o pasado 8 de agosto á 2023 International Conference on Research in Adaptive and Convergent Systems que tivo lugar na cidade de Gdańsk (Polonia) entre os días 6 e 10 de agosto.
Os investigadores Ángel López e Jorge Castiñeiras participaron no encontro Joint Statistical Meetings (JSM), o maior evento de estatística que se celebra en América do Norte. Este ano tivo lugar entre os días 5 e 10 de agosto en Toronto.
Ricardo Cao expón a súa investigación sobre cardiotoxicidade en pacientes con cancro de mama na 6ª Conferencia Internacional sobre Econometría e Estatística (EcoSta 2023), organizada pola Universidade de Waseda de Tokio.
Do día 23 ao 28 de xullo levouse a cabo en Copenhague, Dinamarca, a “25th International Conference on Human-Computer Interaction” (HCI International); un evento internacional que reúne a expertos, investigadores e profesionais de todo o mundo no campo da interacción persoa-ordenador e disciplinas relacionadas.
Tras a defensa da súa tese doutoral, titulada “New Methodological Contributions in Statistical Learning for Estafe Series”, o investigador do CITIC Ángel López Oriona foi contratado para incorporarse de forma inmediata a un grupo de investigación na King Abdullah University of Science and Technology (KAUST) de Arabia Saudita.
O investigador e profesor da UDC, Francisco Zayas Gato, recibiu recentemente o primeiro Premio Nacional IDOM á mellor Tese Doutoral en Control Intelixente por “Implementación de algoritmos de asistencia e recomendación para a toma de decisións e detección de situacións singulares en sistemas complexos mediante técnicas intelixentes”; traballo que tivo como directores a José Luis Calvo Rolle e Esteban Jove Pérez, membros do CITIC.
O investigador Sergio Prieto García desenvolveu para o seu Traballo Fin de Máster en Técnicas Estatísticas un modelo matemático que podería converterse nun gran aliado para os partidos políticos en campaña electoral. Baixo a dirección de Ricardo Cao, catedrático de Estatística na UDC, o proxecto titulado “Estimación en táboas de continxencia con marxinais dadas” logrou desenvolver un método que estima as probabilidades de transferencia de votos entre partidos políticos en dous comicios consecutivos.
O Centro de Investigación Mariña da Universidade de Vigo (CIM) e o Centro de Investigación en Tecnoloxías da Información e as Comunicacións (CITIC) estableceron unha colaboración estratéxica para levar a cabo un estudo sobre a contaminación luminosa nas rías de Vigo e Pontevedra.
