Este venres 11 de febreiro, Día Internacional da Muller e a Nena na Ciencia, un grupo de 13 alumnos e alumnas de bacharelato do IES de Ortigueira visitou o CITIC xunto coa súa profesora de Tecnoloxía.
A nova Cátedra en Diversidade e Tecnoloxía, creada pola UDC e NTT DATA (antiga Everis), presenta UniQA, un seminario feminino dirixido a potenciar as habilidades directivas e a marca persoal de estudantes de máster e os últimos cursos dos graos en titulacións TIC da UDC. Esta cátedra, dirixida polo investigador do CITIC Luis Hervella, toma o testemuño da Cátedra Everis en Transformación Dixital.
O próximo 9 de febreiro ás 17:00 h celebrarase na aula de Graos Víctor Gulías da Facultade de Informática da UDC o seminario “Modelos de simulación para o apoio da toma de decisións sobre a xestión de camas en UCI”, impartido polo investigador da Universidade Pública de Navarra, Daniel García de Vicuña, e organizado por persoal investigador do CITIC.
O investigador do CITIC Vicente Moret impartirá o próximo 14 de febreiro un webinar enmarcado na serie organizada desde do proxecto NEASQC (NExt ApplicationS of Quantum Computing), no que participa o CITIC cos investigadores Ramón Doallo Biempica, Juan Touriño Domínguez, Carlos Vázquez Cendón e o propio Vicente Moret Bonillo.
Este mércores 2 de febreiro o CITIC acolleu a xornada formativa dirixida a mentoras e mentores do programa Inspira STEAM A Coruña 2021/2022. Esta formación diríxese a profesionais do ámbito académico, investigador e empresarial e foi impartida por Ander Mimenza Aurrecoechea, coach, formador e consultor especializado en desenvolvemento organizacional e de persoas. O nodo Inspira STEAM A Coruña está coordinado pola investigadora do CITIC Verónica Bolón.
O reitor da Universidade da Coruña, Julio Abalde, e conselleiro delegado de ABANCA, Francisco Botas, asinaron o pasado venres 28 de xaneiro un protocolo xeral de colaboración para o desenvolvemento da Intelixencia Artificial, a transformación dixital e as tecnoloxías habilitadoras no ámbito da Cidade das TIC, consolidando a colaboración de ambas entidades a través do CITIC.
O investigador do CITIC Manuel Oviedo de la Fuente imparte a conferencia maxistral “Novas achegas para a análise de datos funcionais complexos” no II Congreso Internacional de Investigación Aplicada a Ciencia de Datos, que ten lugar do 24 ao 28 de xaneiro en Quito (Ecuador) en formato híbrido.
Este mércores 26 de xaneiro o CITIC recibiu a visita de 12 estudantes de bacharelato STEMBach do IES Eusebio da Guarda da Coruña, xunto con 5 profesores e profesoras.
O CITIC organiza, coa colaboración de atlanTTic, a Cátedra R en Ciberseguridade e o MUNICS, o evento C3TF – CITIC Cyber Competition, unha competición de ciberseguridade destinada a estudantes co fin de practicar e desenvolver as súas habilidades neste ámbito. O evento celebrarase o 23 de febreiro de 15:30 a 20:30 h e a inscrición está aberta ata o 15 de febreiro.
A investigadora do CITIC Thais Pousada participa como profesional experta na validación da ferramenta «Assistive Product Explorer», promovida polo grupo GATE da Organización Mundial da Saúde (OMS).
O CITIC realizará unha sesión formativa sobre o selo de excelencia en Recursos Humanos en Investigación HRS4R, impartido pola técnica da OTRI da UDC Sonia Carné. A sesión está dirixida a toda a comunidade do CITIC e terá lugar o vindeiro martes 25 de xaneiro ás 11:00 h no centro; tamén poderá seguirse de forma telemática a través de Teams.
Do 7 ao 11 de febreiro terá lugar en formato híbrido a primeira Escola Latinoamericana de Gaia, organizada pola Universidade de Antioquía, en colaboración co CITIC, entre outras institucións.
O obxectivo é ofrecer a estudantes de universidades latinoamericanas os coñecementos básicos das ferramentas necesarias para facer uso científico dos datos da misión GAIA da Axencia Espacial Europea, na que participa o CITIC.
PO FEDER Galicia 2021 - 2027
Operacións financiadas pola Xunta de Galicia e a Unión Europea a través do Fondo Europeo de Desenvolvemento Rexional co obxectivo temático de "Unha Europa máis intelixente: transformación económica innovadora e intelixente".
