O próximo 2 de febreiro terá lugar na sala Cloud do CITIC a xornada formativa destinada a mentoras e mentores do ámbito académico, empresarial e da investigación que participarán no programa Inspira STEAM A Coruña 2021/2022, coordinado pola investigadora do centro Verónica Bolón.
O pasado mes de novembro a alcaldesa da Coruña, Inés Rey García, e o director do CITIC, Manuel F. González Penedo, asinaron un convenio coa finalidade de establecer un marco de colaboración para promocionar as accións do proxecto Talentos Inclusivos.
A Sociedad Científica Informática e a Fundación BBVA convocaron a sexta edición dos seus Premios de Investigación. Concederanse un máximo de 10 premios: 4 na modalidade Premios Nacionais de Informática e 6 na modalidade Investigadores Novos Informáticos.
O CITIC obtivo apoio da Xunta de Galicia, a través de GAIN, para o desenvolvemento dun proxecto de I+D+i orientado a facer fronte á pandemia no marco do programa das axudas Conecta Covid. Das 24 solicitudes presentadas, unicamente obtiveron financiamento 9 propostas.
Este venres 17 de decembro, un grupo de 17 alumnos e alumnas do programa Espazo Compartido visitou o CITIC. Xunto coa directora do programa e investigadora do CITIC, Thais Pousada, a profesora e investigadora Betania Groba, e outras catro docentes, coñeceron o Demostrador Tecnolóxico do centro.
O pasado mes de outubro a Axencia Galega de Innovación ( GAIN) resolveu as súas convocatorias Conecta Hubs e Innova Peme, destinadas a impulsar o crecemento e a competitividade de empresas e axentes do sistema galego de I+D+i.
Este mércores 15 de decembro tivo lugar na sala Connect do CITIC o acto de entrega de premios do concurso de ideas de arquitectura para o novo edificio do centro na Cidade das TIC.
Participaron no acto de apertura o reitor da UDC, Julio Abalde; o vicepresidente segundo e Conselleiro de Economía, Empresa e Innovación da Xunta de Galicia, Francisco Conde López; o concelleiro de Urbanismo, Vivenda, Infraestruturas e Mobilidade do Concello da Coruña, Juan Díaz Villoslada; a vicerreitora de Infraestruturas e Sustentabilidade da UDC, Amparo Casares; e o director do CITIC, Manuel F. González Penedo.
O investigador José Luis Casteleiro Roca foi galardoado co Premio IDOM 2021 á Mellor Tese Doutoral polo seu traballo titulado “Modelado de sistemas complexos mediante métodos de agrupamento e hibridación de técnicas intelixentes”. A tese foi codirixida polo investigador do CITIC José Luis Calvo Rolle e o profesor da Universidad de La Laguna Juan Albino Méndez Pérez.
Investigadores da área de ciberseguridade do CITIC participaron na 7ª Reunión de Grupos de Traballo (7th Working Group Meeting) celebrada en Cádiz pola COST Action DigForASP (Digital Forensics Evidence Analysis via Intelligent Systems and Practices). O programa, desenvolvido desde o 21 ata o 23 de outubro, incluíu sesións colaborativas e conferencias.
O venres 10 de decembro o CITIC recibiu a visita de diferentes representantes da dirección do Complexo Hospitalario Universitario A Coruña. A reunión tivo a finalidade de dar a coñecer o CITIC e as súas capacidades, especialmente no ámbito da saúde, para establecer posibles vías de colaboración entre ambas as entidades.
O vindeiro 15 de decembro terá lugar o acto de entrega de premios do concurso de ideas de arquitectura convocado pola UDC para o novo edificio do CITIC na Cidade das TIC, o proxecto estratéxico para crear un polo TIC e de innovación dixital de referencia a nivel nacional e internacional na Coruña.
A investigadora do CITIC Amparo Alonso ofrece este luns 29 de novembro o webinar “É tan intelixente a intelixencia artificial?” no marco dos Diálogos Ikerbasque. No relatorio, a investigadora fará unha reflexión sobre as ameazas e oportunidades que supón a intelixencia artificial, xunto co investigador de Ikerbasque e director do Instituto de Gobernanza Democrática, Daniel Innerarity. A charla estará moderada polo director científico de Ikerbasque, Fernando Cossío.
PO FEDER Galicia 2021 - 2027
Operacións financiadas pola Xunta de Galicia e a Unión Europea a través do Fondo Europeo de Desenvolvemento Rexional co obxectivo temático de "Unha Europa máis intelixente: transformación económica innovadora e intelixente".
