A investigadora do CITIC Amparo Alonso participará o próximo 16 de xuño no evento Infoday CDTI – Intelixencia Artificial, enmarcado dentro do programa Horizonte Europa e coorganizado polo CDTI (Centro para o Desenvolvemento Tecnolóxico Industrial) e a AEPIA (Asociación Española para a Intelixencia Artificial).
O investigador do CITIC José A. Iglesias Guitián recibiu unha bolsa Leonardo a Investigadores e Creadores Culturais, outorgada pola Fundación BBVA. Cunha dotación global de máis de dous millóns de euros, as bolsas Leonardo están destinadas a apoiar proxectos persoais de investigadores e creadores culturais en estadios intermedios da súa carreira, que se caractericen por unha significativa produción científica, tecnolóxica ou cultural. Nesta convocatoria concedéronse 58 bolsas, entre as 1274 solicitudes presentadas.
Os investigadores do CITIC Joaquim de Moura e Plácido Lizancos participaron no 34th IEEE International Symposium on Computer-Based Medical Systems (IEEE CBMS 2021) presentando os seus traballos no ámbito da intelixencia artificial. O evento celebrouse do 7 ao 9 de xuño de forma virtual.
Hoxe o CITIC recibiu a visita dun grupo de alumnos e alumnas de Tecnoloxía de 1º de bachillerato do IES de Elviña.
O subdirector do CITIC, Javier Pereira, mostroulles a sala Demostrador Tecnolóxico, onde o alumnado tivo a oportunidade de coñecer algúns dos proxectos desenvolvidos no CITIC.
A investigadora do CITIC Amparo Alonso participará este venres 11 de xuño na xornada “Cara a unha Galicia Intelixente”, organizada pola Xunta de Galicia. Durante esta xornada abordarase o papel das tecnoloxías intelixentes, especialmente a intelixencia artificial, na contribución á resolución dalgúns dos principais retos que enfronta a sociedade. O evento enmárcase na presentación da Estratexia Galega de Intelixencia Artificial 2030.
Este martes 8 de xuño, os investigadores Alejandro Cardesín e Gabriella Gilli visitaron o CITIC para coñecer as liñas de traballo en proxectos espaciais que se desenvolven desde o centro, co obxectivo de establecer unha posible futura colaboración científica.
O xurado dos Premios de Investigación da SCIE e a Fundación BBVA, do que formou parte o noso investigador Ramón Doallo, outorgou o premio Nacional de Informática a Antonio Bahamonde Rionda, membro do Comité Asesor Externo do CITIC e catedrático da Universidad de Oviedo.
O investigador do CITIC Guillermo López Taboada participa como asesor no ámbito da informática da exposición ‘Galicia Futura’, impulsada pola Xunta de Galicia con motivo do Xacobeo 2021. Esta mostra inaugurarase o 14 de xullo no Museo Centro Gaiás da Cidade da Cultura.
O CITIC colabora, un ano máis, na organización da Maker Faire Galicia, que se inaugura este martes 1 de xuño e desenvolverase entre o 2 e o 6 de xuño. A Maker Faire Galicia é a maior Maker Faire da península, tanto en número de xornadas como en asistentes e proxectos presentados.
O CITIC acollerá este venres 4 de xuño o XIV Foro de Interacción Matemática Industria, unha proposta dos grupos de Matemática Aplicada, Estatística e Investigación Operativa das tres universidades galegas. Neste evento, organizado xunto con ITMATI (Instituto Tecnolóxico de Matemática Industrial), as empresas convidadas exporán problemas que xorden no seu ámbito e que son susceptibles de ser tratados mediante métodos matemáticos e numéricos, estatística e investigación operativa: modelado, simulación de procesos e dispositivos, enxeñería asistida por computador (CAE), etc.
A investigadora do CITIC Susana Ladra participará no debate “O liderado da muller na ciencia: retos e oportunidades” organizado pola Fundación CYD. O debate servirá para poñer en común os avances conseguidos e os temas aínda pendentes, como son a ausencia de referentes femininos, a invisibilidade de logros, o desfasamento de xénero na pirámide académica/científica, os estereotipos nas carreiras STEM e a desigualdade de oportunidades nas disciplinas técnicas e a invisibilidade dos logros femininos.
O CITIC recibiu esta mañá a visita dun grupo de estudantes de bacharelato de centros educativos de secundaria europeos que participan no proxecto AI+ Developing an Artificial Intelligence Curriculum adapted to European High School.
