O CITIC colabora coa iniciativa Inspira STEAM A Coruña 2021/2022, coordinado pola investigadora Verónica Bolón e que ten a finalidade de fomentar as vocacións científico-tecnolóxicas entre estudantes, especialmente entre as rapazas. O programa dará comezo o vindeiro 16 de novembro cunha sesión informativa aberta dirixida a mentoras e mentores que queiran participar na iniciativa.
O subdirector do CITIC, Javier Pereira, a investigadora Susana Ladra e o responsable de Sistemas, Alejandro Mosteiro, participaron nos Encontros con Profesionais TIC, actividade enmarcada no convenio de colaboración entre a Axencia para a Modernización Tecnolóxica de Galicia (AMTEGA) e o Colexio Profesional de Enxeñería en Informática de Galicia (CPEIG) para a posta en marcha de actividades para o fomento da sociedade dixital.
Amparo Alonso participou o pasado 2 de novembro na presentación do Mes da Ciencia en Galego, que tivo lugar na Biblioteca Ánxel Casal de Santiago de Compostela.
A investigadora do CITIC Lucía Ramos impartirá mañá o obradroiro tecnolóxico “Introdución á Visión Artificial” no marco da iniciativa Mática, organizada polo CPEIG e a AMTEGA. Está destinado a nenas e adolescentes de 12 a 18 anos.
O investigador do CITIC José Luis Calvo Rolle impartirá o vindeiro xoves 28 de outubro a charla “Técnicas intelixentes para a optimización e a mellora da eficiencia dunha vivenda bioclimática”, dentro das Xornadas sobre a Automática e o Control na redución do impacto ambiental, organizadas desde a Universidade do País Vasco (UPV/EHU) e que terán lugar na Escola de Enxeñería de Bilbao.
A directora do Campus Innova e investigadora do CITIC Susana Ladra impartiu o pasado martes 26 de outubro unha charla a alumnos do bacharelato de excelencia en Ciencias e Tecnoloxía, STEMbach, do IES Miraflores de Oleiros. Susana Ladra achegou aos estudantes a súa experiencia como investigadora e docente no ámbito das TIC e as liñas de investigación nas que traballa actualmente.
As investigadoras do CITIC Susana Ladra González e Verónica Bolón Canedo protagonizan xunto coas enxeñeiras Susana Gómez Carnero, Berta Candendo e Silvia Piñeiro Fernández o documental “Marxe de erro”, realizado pola Axencia para a Modernización Tecnolóxica de Galicia (AMTEGA) e o Colexio de Enxeñaría Técnica en Informática de Galicia (CPETIG).
O investigador do CITIC Francisco Bellas Bouza foi nomeado Embaixador STEM de IEEE 2021 para a rexión 8, programa promovido pola iniciativa TryEngineering de IEEE. Bellas foi un dos 46 embaixadores seleccionados, entre as 80 candidaturas presentadas en todo o mundo.
O vindeiro venres 24 de setembro terá lugar a G-NIGHT, Noite Galega das Persoas Investigadoras, un evento de divulgación científica que se celebra de forma simultánea en toda Europa, dentro da Noite Europea das Persoas Investigadoras. En Galicia a actividade está coordinada pola Universidade de Vigo, coa implicación das tres universidades galegas e diferentes centros e institutos tecnolóxicos e de investigación.
A coordinadora de COCEMFE Castilla y León visitou o CITIC para manter unha reunión con investigadores do centro e testear os desenvolvementos en contornas de realidade virtual.
O próximo curso escolar ofertarase nos centros de educación secundaria de Galicia a Intelixencia Artificial no currículo educativo, así o recolle o Diario Oficial de Galicia do 12 de xullo que incorpora a materia “Iniciación á Intelixencia Artificial” como optativa para o curso de 1º de bacharelato.
O investigador do CITIC Ricardo Cao ofrecerá un relatorio no seminario “Retos da estatística nunha sociedade altamente datificada”, organizado pola Universidade Internacional Menéndez Pelayo (UIMP) en colaboración co Instituto Nacional de Estatística (INE). O curso desenvólvese do 7 ao 9 de xullo.
