Mes: Febreiro 2021

novidades, novidades_investigacionGL

Un proxecto de investigación coordinado polo CITIC da UDC desenvolve aplicacións para mellorar a xestión da mobilidade das empresas

O proxecto GEMA (GEstión de la MovilidAd), liderado polo Centro de Investigación TIC (CITIC) da Universidade da Coruña, logrou desenvolver tres aplicacións funcionais destinadas a mellorar a xestión da mobilidade dos traballadores, así como unha ferramenta capaz de automatizar a creación de novas aplicacións de mobilidade. Así o expuxo a coordinadora xeral do proxecto, a investigadora do CITIC Nieves R. Brisaboa, no acto de presentación de resultados que tivo lugar esta mañá no centro.

novidades, novidades_investigacionGL

Investigadores do CITIC avanzan no proxecto HiPERFORM desenvolvendo unha unidade de control telemática para embarcar nun vehículo eléctrico

Os investigadores do CITIC Valentín Barral, José A. García Naya, Luis Castedo, Carlos J. Escudero e Javier Rodas González desenvolveron unha unidade de control telemática para embarcar nun vehículo eléctrico, no marco do proxecto europeo HiPERFORM (High performant Wide Band Gap Power Electronics for Reliable, energy efficient drivetrains and Optimization through Multi-physics simulation), baseado en novos dispositivos de electrónica de potencia e que ofrece unha alta eficiencia enerxética.

novidades, novidades_divulgacionGL

O investigador Jose Luis Calvo Rolle participa no evento “Retos actuais da Intelixencia Artificial”

O investigador do CITIC Jose Luis Calvo Rolle participa no evento “Retos actuais da Intelixencia Artificial”, organizado por IEEE Sección España e Comité Español de Automática (CEA). José Luis Calvo Rolle ostenta cargos en ambas entidades organizadoras: é vocal da xunta directiva de CEA e tesoureiro da directiva do IEEE-SMS na sección española.

novidades, novidades_divulgacionGL

Amparo Alonso participa no debate “Industria intelixente e medio ambiente: de cara a un futuro sostible”

A investigadora do CITIC Amparo Alonso participa o próximo 23 de febreiro no debate “Industria intelixente e medio ambiente: de cara a un futuro sostible”, organizado polo Centro de Visión por Computador (CVC) e a Fundación “la Caixa”. O obxectivo do debate é poñer ao alcance da cidadanía as ferramentas para entender e reflexionar sobre como utilizar a Intelixencia Artificial para facer un mundo máis sostible no ámbito económico, social e medioambiental mediante a Industria 4.0.

novidades, novidades_divulgacionGL

A investigadora Patricia Martín imparte unha conferencia sobre saídas profesionais para o alumnado de doutoramento

A investigadora do CITIC Patricia Martín Rodilla imparte xunto coa profesora da UDC Luz Castro na conferencia “Humanizando o dixital”, que organiza a Escola de Doutoramento Internacional da Universidade de Santiago dentro dun ciclo de charlas sobre posibles saídas profesionais para o alumnado de doutoramento en Ciencias da Saúde, Ciencias e Enxeñerías, Sociais, Xurídicas e Humanidades.

novidades, novidades_investigacionGL

Investigadores do CITIC desenvolven PhotoILike, unha ferramenta de Intelixencia Artificial para imaxe inmobiliaria

Un equipo de investigadores do CITIC desenvolveu a ferramenta PhotoILike, nacida no seo da empresa de base tecnolóxica Artificial Intelligence Indestia, participada pola UDC. Trátase dun sistema de Intelixencia Artificial destinado ao mercado inmobiliario co obxectivo de seleccionar as imaxes con maior impacto comercial. Os investigadores do CITIC que forman parte deste proxecto son Juan Jesús Romero, Adrián Carballal, Francisco Cedrón e Nereida Rodríguez.

novidades, novidades_investigacionGL

O CITIC ampliará as súas instalacións para albergar dous novos laboratorios de investigación en Intelixencia Artificial e Big Data

O edificio do CITIC será ampliado co obxectivo de fortalecer a estratexia de posicionamento da UDC a nivel nacional e internacional no terreo da Intelixencia Artificial e reforzar as edificacións sostibles. Con esta reforma, o CITIC será dotado con dous novos laboratorios de investigación nas áreas de Intelixencia Artificial e Big Data. Ademais, tamén se optimizarán e acondicionarán interiormente espazos comúns.