Categoría: novidades_investigacionGL

novidades, novidades_investigacionGL

Ángeles Saavedra: “Promoveremos as canles de Sistedes cos socios e co resto da sociedade e abriremos outras novas para reforzar a comunicación co persoal investigador máis novo”

A investigadora do CITIC Ángeles Saavedra foi nomeada recentemente vogal de Comunicación da Sociedad de Ingeniería de Software y Tecnologías de Desarrollo de Software (Sistedes). Unha responsabilidade que afronta coa “idea de promover as actuais canles de comunicación que ten a entidade cos e coas socias e co resto de sociedade (boletín, redes sociais, web…) e abrir outras novas para reforzar a comunicación co persoal investigador máis novo”.

novidades, novidades_investigacionGL

O responsable da área de Sistemas, Alejandro Mosteiro, mostra os novos laboratorios do centro na quinta sesión dos Almorzos TIC Talk

Tras o parón vacacional, este martes 27 de setembro retomáronse os Almorzos TIC Talk, un ciclo de reunións informais dirixidas ao persoal investigador do CITIC que se atopa nas primeiras etapas da súa carreira, para compartir a investigación que se realiza no centro e potenciar a transversalidade e a colaboración. Nesta quinta sesión, o responsable de Sistemas do centro, Alejandro Mosteiro, fixo un percorrido polas instalacións do centro, centrándose nos novos laboratorios de Robótica, de Realidade Virtual e Localización, e de Impresión 3D, así como o Centro de Procesado de Datos e o Demostrador Tecnolóxico.

novidades, novidades_investigacionGL, novidades_premiosGL

Dous másteres coordinados por investigadores do CITIC reciben a mención de excelencia da Xunta

O Máster en Matemática Industrial, coordinado polo investigador do CITIC Íñigo Arregui Álvarez e organizado polas tres universidades galegas, xunto coas universidades Carlos III e Politécnica de Madrid, e o Máster en Computación de Altas Prestacións, coordinado por Jorge González Domínguez e impartido entre as universidades da Coruña e Santiago de Compostela, recibiron recentemente a mención de Máster Universitario Excelente por parte da Xunta de Galicia. Nesta resolución, o goberno galego tamén recoñeceu ao Máster en Produción Xornalística e Audiovisual, organizado pola UDC.

novidades, novidades_investigacionGL

O CITIC acolle a reunión plenaria do CU8 de Gaia, misión espacial encargada de crear o mapa máis completo da Vía Láctea

Entre o 28 e o 30 de setembro celebrarase no CITIC a reunión plenaria da Unidade de Coordinación 8 (CU8) do consorcio europeo DPAC para o procesado de datos da misión espacial Gaia da Axencia Espacial Europea. Este grupo de traballo é o encargado de levar a cabo a clasificación e a determinación dos parámetros astrofísicos observados por Gaia, como as temperaturas estelares ou os redshifts das galaxias.

novidades, novidades_investigacionGL, novidades_premiosGL

Dous traballos do CITIC da UDC sobre Intelixencia Artificial aplicada ao desenvolvemento sostible, premiados polo Comité Español de Automática

O CITIC da UDC consegue novos logros no ámbito da Intelixencia Artificial aplicada ao desenvolvemento sostible, considerado estratéxico para a transferencia do centro de investigación. O grupo que dirixe José Luis Calvo Rolle vén de recibir cadanseu premio da man do Comité Español de Automática (CEA) por dous traballos sobre control intelixente en enerxía eólica e almacenamento de enerxía con hidróxeno, respectivamente.

novidades, novidades_investigacionGL, novidades_premiosGL

Carlos Gómez, investigador do CITIC da UDC, recibe financiamento do prestixioso ERC para o seu proxecto de lingüística computacional, a ciencia que traduce a linguaxe natural a dispositivos tecnolóxicos

O Centro de Investigación en Tecnoloxías da Información e as Comunicacións (CITIC) da UDC dá un novo salto cualitativo na transferencia de tecnoloxía e no seu recoñecemento internacional. O proxecto “Efficient Syntactic Analysis for Large-scale Sentiment Analysis” (SALSA), dirixido polo IP do centro Carlos Gómez Rodríguez, acaba de ser seleccionado pola axencia de financiamento máis importante de Europa, o Consello Europeo de Investigación (ERC).

novidades, novidades_congresosGL, novidades_divulgacionGL, novidades_investigacionGL

Aberto o rexistro de asistencia para o V Congreso XoveTIC

O rexistro de asistencia para o V Congreso XoveTIC, que terá lugar o 5 e 6 de outubro no CITIC e a Facultade de Informática da UDC, está aberto ata o próximo 16 de setembro. O evento, organizado polo CITIC, celebrarase de novo en formato presencial tras dúas edicións online debido á pandemia. Trátase dun congreso destinado a investigadores/as júnior, ofrecéndolles un espazo de encontro para o debate científico, onde presenten os seus traballos no ámbito das TIC.

novidades, novidades_investigacionGL

Nieves R. Brisaboa participará na Aula de Verán “Blas Cabrera” de iniciación á investigación, a docencia e a innovación científica

A investigadora do CITIC Nieves R. Brisaboa impartirá un relatorio na Aula de Verán “Blas Cabrera” de iniciación á investigación, a docencia e a innovación científica, que se desenvolverá entre o 8 e o 12 de agosto no Palacio da Magdalena de Santander, organizada pola Universidade Internacional Menéndez Pelayo (UIMP) en colaboración co Ministerio de Ciencia e Innovación.