Mes: Maio 2021

novidades, novidades_congresosGL

Manuel Oviedo e Rubén Fernández participan no X Seminario Internacional de Estatística Aplicada

Os investigadores do CITIC Manuel Oviedo e Rubén Fernández participarán no X Seminario Internacional de Estatística Aplicada, que ten lugar do 11 ao 15 de maio organizado pola Sociedade Ecuatoriana de Estatística. Manuel Oviedo impartirá o taller “Análise de datos funcionais coa librería fda.usc de R”; mentres que Rubén Fernández ofrecerá a conferencia maxistral “Xeoestadística non paramétrica co paquete npsp”. Ambas as actividades terán lugar o vindeiro martes 11 de forma online.

novidades, novidades_congresosGL

O CITIC celebrará en outubro o IV Congreso XoveTIC

O CITIC presenta a IV edición do Congreso XoveTIC, que terá lugar en formato virtual os días 7 e 8 de outubro de 2021. Este evento científico está destinado ao persoal investigador júnior (predoutoral e posdoutoral) para presentar comunicacións orais ou pósteres das súas investigacións no ámbito do TIC. Ademais, tamén terán lugar conferencias plenarias e talleres de formación. Así, o obxectivo do XoveTIC é construír un espazo de encontro para o debate científico e contribuír á formación dos mozos investigadores.

novidades, novidades_colaboracionsGL

A Fundación everis presenta a 20º edición dos premios eAwards, nos que colabora o CITIC

A Fundación everis presentou os Global eAwards 2021, a vixésima edición dos antes coñecidos como Premios everis. O CITIC colabora nestes galardóns que teñen o obxectivo de premiar proxectos emprendedores no ámbito da tecnoloxía. A través de convocatorias nacionais en España, Arxentina, Bélxica, Brasil, Chile, Colombia, Holanda, Italia, Perú, Portugal e Reino Unido, estes premios buscan os mellores proxectos emprendedores baseados en tecnoloxías de alto impacto, innovadoras, escalables, sostibles, que contribúan a mellorar a calidade de vida ou solucionen problemas ambientais a través de modelos de negocio dixitais ou do uso intensivo da tecnoloxía.

eventos_antigo

Charla do investigador José A. Iglesias Guitián no programa “Das TIC ao ceo”

O investigador do CITIC José A. Iglesias Guitián impartirá este xoves 6 de maio unha charla en formato online dentro do programa “Das TIC ao ceo”, impulsado polo CITIC e o Consello Social da UDC para fomentar vocacións científico-tecnolóxicas entre estudantes de secundaria e bacharelato. O investigador ofrecerá unha conferencia destinada a 40 alumnos e alumnas de bacharelato do IES Terra de Trasancos de Narón, que estará moderada polo subdirector do CITIC, Javier Pereira.

eventos_antigo

Inauguración do programa “Das TIC ao ceo”

O Centro de Investigación TIC (CITIC) da Universidade da Coruña e o Consello Social da Universidade da Coruña, presentan o programa “Das TIC ao ceo”, que ten o obxectivo de fomentar vocacións científico-tecnolóxicas entre estudantes de secundaria e bacharelato. Este ciclo de conferencias, impartidas por antigos alumnos e alumnas da Universidade da Coruña, terá lugar de forma online durante os meses de abril e maio, e inaugúrase este xoves 22 de abril con motivo da celebración do Día Internacional das Nenas nas TIC.

novidades, novidades_divulgacionGL

O investigador José A. Iglesias Guitián imparte unha charla no programa “Das TIC ao ceo”

O investigador do CITIC José A. Iglesias Guitián impartirá este xoves 6 de maio unha charla en formato online dentro do programa “Das TIC ao ceo”, impulsado polo CITIC e o Consello Social da UDC para fomentar vocacións científico-tecnolóxicas entre estudantes de secundaria e bacharelato. O investigador ofrecerá unha conferencia destinada a 40 alumnos e alumnas de bacharelato do IES Terra de Trasancos de Narón, que estará moderada polo subdirector do CITIC, Javier Pereira.

novidades, novidades_colaboracionsGL, novidades_investigacionGL

Investigadores do CITIC da UDC únense ao consorcio internacional da misión espacial EUCLID da Axencia Espacial Europea

Os investigadores do Centro de Investigación TIC (CITIC) da Universidade da Coruña, Carlos Dafonte, Minia Manteiga, Marco A. Álvarez e Daniel Garabato, integráronse recentemente no consorcio internacional que contribúe ao desenvolvemento da misión EUCLIDuclid da Axencia Espacial Europea (ESA). Trátase dunha ambiciosa misión que ten o obxectivo de investigar a orixe do universo, a historia da súa expansión e o crecemento das estruturas cósmicas durante os últimos 10.000 millóns de anos.