Esta semana, profesorado de centros de educación secundaria de Turquía e Chipre, acompañados polo profesor da Facultade de Economía e Empresa da UDC Felix Puime, visitaron o CITIC co obxectivo de establecer posibles liñas de colaboración en proxectos de temática STEM
O pasado 15 de novembro, coincidindo co Día Nacional das Enfermidades Neuromusculares, a Federación ASEM presentou a Guía de Recursos Sociosanitarios e Educativos para Persoas con Enfermedades Neuromusculares, que contou coa participación de investigadoras do CITIC lideradas por Thais Pousada. Trátase dunha versión actualizada e ampliada da guía realizada en 2013, e xorde da necesidade de ofrecer información máis completa e adaptada a un formato dixital para facilitar a procura de recursos.
O programa Talentos Inclusivos, promovido polo Centro de Investigación en Tecnoloxías da Información e as Comunicacións (CITIC) da UDC e a Asociación de Padres de Personas con Parálisis Cerebral de A Coruña (ASPACE) para facilitar a inclusión das persoas con diversidade funcional, presentou na DOMUS da Coruña a terceira edición do proxecto.
O próximo 19 de novembro a Asociación de Científicos Españois en Suíza (ACECH) organiza o Encontro de investigadores españois en Suíza, Italia e Francia nas instalacións do CERN (Centro Europeo para a Investigación Nuclear), en Xenebra. O evento contará coa participación de Minia Manteiga Outeiro, profesora de Astronomía e Astrofísica a UDC e investigadora do CITIC, e Mariano Barbacid Montalbán, profesor e investigador de Oncoloxía Molecular do Centro Nacional de Investigacións Oncolóxicas (CNIO).
O CITIC acolleu o pasado 5 de outubro a reunión inicial dun proxecto da Universidade Nacional de Uzbekistán sobre procesamento da linguaxe natural en lingua uzbeka, no que colaboran os investigadores do centro Carlos Gómez Rodríguez e Elmurod Kuriyozov. O proxecto titúlase “UzUDT: Universal Dependencies Treebank and parser for natural language processing on the Uzbek Language” e foi concedido no marco do compoñente 1 “Improving research excellence and commercialization” da convocatoria Modernizing Uzbekistan National Innovation System Project, financiada polo Banco Mundial.
Coñecer os avances no desenvolvemento do software intelixente de apoio á toma de decisións e a aplicación dos últimos modelos de intelixencia artificial no diagnóstico por imaxe desenvoltos polo CITIC. Estes foron os obxectivos da visita que realizou este martes o equipo directivo do Colexio de Médicos da Coruña ás instalacións do CITIC, na que participaron tanto o director, Manuel F. González Penedo, como o subdirector do centro, Javier Pereira.
O CITIC recibiu hoxe a visita dunha dunha delegación da AGH University of Science and Technology de Cracovia composta por tres profesores, acompañábaos o profesor da Facultade de Economía e Empresa da UDC Félix Puime, co que actualmente colaboran.
O Centro de Investigación en TIC, CITIC, acolleu esta mañá a presentación online do equipo IT do grupo MASMOVIL, unha acción organizada no marco da Cátedra R en Ciberseguridade UDC-UVigo. O director do CITIC, Manuel Penedo, presentou a iniciativa e deu paso a Ravin Dhalani e Mikel Fernández, membros do equipo de IT do grupo MASMOVIL. Ambos presentaron ao alumnado o departamento de desenvolvemento de software da compañía e afondaron nas posibilidades que existen de formar parte do seu equipo.
A pasada semana un grupo de investigadores/as da Universidade de Alcalá visitou o CITIC para poñer en marcha a plataforma robótica LOLA, un robot de baixo custo con intelixencia artificial que foi entregado a ASPACE Coruña para proporcionar asistencia a persoas con parálise cerebral. Esta plataforma desenvolveuse no marco do proxecto AIR4DP (Artificial Intelligence and Robotic Assistive Technology devices for Disabled People), no que colabora o CITIC xunto co grupo GRAM da Universidade de Alcalá e o grupo TAIS da Universidade de Sevilla.
O reitor da Universidade da Coruña, Julio Abalde, e o presidente da Asociación Pro Persoas con Discapacidade Intelectual de Galicia, Aspronaga, Nicanor Álvarez, asinaron esta mañá un convenio de colaboración para intensificar a investigación no ámbito da discapacidade a través do CITIC.
PO FEDER Galicia 2021 - 2027
Operacións financiadas pola Xunta de Galicia e a Unión Europea a través do Fondo Europeo de Desenvolvemento Rexional co obxectivo temático de "Unha Europa máis intelixente: transformación económica innovadora e intelixente".
