Verónica Bolón participa hoxe en Pint of Science cunha charla sobre os desafíos da intelixencia artificial

Hoxe comeza o festival Pint of Science na Coruña, cunha serie de charlas que se celebrarán entre os días 22 e 24 de maio nos bares Árnica e A Olímpica da cidade herculina. Ás 20:00 horas no bar *Árnica da Coruña será a quenda da investigadora do CITIC Verónica Bolón coa súa charla “Avances e desafíos da intelixencia artificial, e por que aínda non debemos temer aos robots”. .

O CITIC liderará o maior proxecto de investigación seleccionado polo INE para mellorar a función estatística oficial

Un equipo dirixido polo investigador Ricardo Cao e formado por 26 investigadores do centro das áreas de estatística, intelixencia artificial, e bases de datos, xunto cunha investigadora do Instituto Galego de Estatística e un investigador da Universitè de Genève ocuparanse do desenvolvemento do proxecto ata 2026.
O Instituto Nacional de Estatística concedeu ao Centro de Investigación TIC uno dos únicos catro proxectos outorgados en toda España e recibirá 650.000 euros para o desenvolvemento de 7 liñas de investigación das 13 incluídas na convocatoria

O CITIC colabora coas VIII Xornadas Nacionais de Investigación en Ciberseguridade que se celebrarán en Vigo en xuño

O CITIC colabora coas VIII Xornadas Nacionais de Investigación en Ciberseguridade (JNIC) que se celebrarán na Sede de Afundación de Vigo entre os días 21 e 23 de xuño de 2023. As Xornadas está organizadas polo Instituto Nacional de Ciberseguridade  (INCIBE), atlanTTic da Universidade de Vigo e Gradiant. Contan co apoio do CITIC, Amtega, ciber.gal, Seresco, Plexus, Cátedra R en Ciberseguridad, RENIC, optare solutions e Viewnext.

A investigadora do CITIC Verónica Bolón, Premio Ada Byron do CPEIG

O Colexio Profesional de Enxeñería en Informática de Galicia (CPEIG) concedeu o Premio Ada Byron á investigadora do CITIC Verónica Bolón polos seus traballos de investigación na área de Intelixencia Artificial e a súa aposta polo fomento de vocacións científico-tecnolóxicas entre as nenas, participando en numerosas actividades de divulgación e coordinando o nodo da Coruña do programa Inspira STEAM.

O experto internacional Mutlu Cukurova falará no CITIC da “Intelixencia Artificial na educación: unha visión de futuro”

O Centro de Investigación en TIC (CITIC) da Universidade da Coruña (UDC) organiza unha nova edición do seu ciclo de conferencias internacionais sobre intelixencia artificial. Nesta ocasión, conta coa participación do profesor Mutlu Cukurova, do University College de Londres (UCL), que realizará un relatorio centrado no potencial da IA na educación e as súas vantaxes para mellorar o ensino e a aprendizaxe.

O CITIC celebra o Día Internacional das Nenas nas TIC con obradoiros de robótica

Integra a súa programación nos actos que pon en marcha o Centro de Supercomputación de Galicia (CESGA).
Gafas Hololens de Realidade Aumentada, programación básica con linguaxe scratch e unha aproximación a Robobo, o robot educativo creado integramente por investigadores do Centro, son os pratos fortes do CITIC para esta cita de divulgación científica.

Nova edición dos almorzos TIC TALK cos investigadores Jorge Castiñeiras e Manuel Santamariña

Este martes, 25 de abril, tivo lugar no CITIC unha nova edición dos Almorzos TIC Talk, celebrados os últimos martes de cada mes na sala Cloud do centro.
En primeiro lugar, Jorge Castiñeiras Rella, coa súa charla “Cost-sensitive learning for financial fraud detection”, falou sobre a súa tese industrial, na que estuda técnicas cost-sensitive para obter patróns de fraude de falta de pagamentos. Pola súa banda, Manuel Santamariña Ruíz de León presentou “Mamá, son desenvolvedor!: Unha ollada rápida ao mundo do software”.

Un dispositivo para monitorizar marcadores de calidade ambiental Mellor Traballo Fin de Grao Aplicado da FIC da UDC

Pablo Mariño recibiu o primeiro premio e Gabriel Fernández e Rubén Somoza dous accésit polos seus TFG, todos eles dirixidos por investigadores do CITIC.
Un sistema de posicionamento do móbil por son, a validación de títulos aplicando redes blockchain e o desenvolmento dun dispositivo para detectar resultados anómalos en tempo real de diferentes marcadores ambientais foron os temas que centraron os traballos gañadores, seleccionados entre 14 propostas que recibiron matrícula de honra o pasado curso.