O CITIC acolle a formación de mentoras do programa Inspira STEAM A Coruña

Este mércores 2 de febreiro o CITIC acolleu a xornada formativa dirixida a mentoras e mentores do programa Inspira STEAM A Coruña 2021/2022. Esta formación diríxese a profesionais do ámbito académico, investigador e empresarial e foi impartida por Ander Mimenza Aurrecoechea, coach, formador e consultor especializado en desenvolvemento organizacional e de persoas. O nodo Inspira STEAM A Coruña está coordinado pola investigadora do CITIC Verónica Bolón.

A UDC e ABANCA asinan un convenio que consolida a súa colaboración a través do CITIC

O reitor da Universidade da Coruña, Julio Abalde, e conselleiro delegado de ABANCA, Francisco Botas, asinaron o pasado venres 28 de xaneiro un protocolo xeral de colaboración para o desenvolvemento da Intelixencia Artificial, a transformación dixital e as tecnoloxías habilitadoras no ámbito da Cidade das TIC, consolidando a colaboración de ambas entidades a través do CITIC.

O investigador Manuel Oviedo imparte unha conferencia maxistral no II Congreso Internacional de Investigación Aplicada a Ciencia de Datos en Quito

O investigador do CITIC Manuel Oviedo de la Fuente imparte a conferencia maxistral “Novas achegas para a análise de datos funcionais complexos” no II Congreso Internacional de Investigación Aplicada a Ciencia de Datos, que ten lugar do 24 ao 28 de xaneiro en Quito (Ecuador) en formato híbrido.