O CITIC organiza xunto con FEUGA unha serie de workshops para a preparación de candidaturas para ERC

O CITIC organiza xunto con FEUGA o programa “Prepara a túa candidatura para ERC”, co obxectivo de asesorar ao persoal investigador na presentación de convocatorias do European Research Council (ERC). O pasado mércores 6 de outubro deu comezo a serie de workshops “Casos de éxito e experiencias de beneficiarios de ERC”.

IV Congreso XoveTIC

O IV Congreso XoveTIC, organizado polo CITIC, terá lugar en formato virtual os días 7 e 8 de outubro de 2021. Está destinado a investigadores/as junior (predoutorais e posdoutorais) que presentarán comunicacións orais ou pósteres das súas investigacións no ámbito das Tecnoloxías da Información e as Comunicacións (TIC).

O CITIC recolle a testemuña do CEDI 2024

O CITIC recolleu a testemuña no Congreso Español de Informática (CEDI) da organización da próxima edición, que se celebrará en 2024. O CEDI 20/21 tivo lugar en Málaga do 22 ao 24 de setembro, coordinado pola Sociedade Científica Informática de España (SCIE). No acto de clausura do evento, os investigadores Nieves Rodríguez Brisaboa e Miguel Rodríguez Luaces representaron ao comité organizador da edición coruñesa.

O Centro de Investigación TIC (CITIC) da Universidade da Coruña recibe do CPEIG o Premio Innovación Tecnolóxica no Ensino polo seu proxecto ‘Talentos Inclusivos’

O Colexio Profesional de Enxeñaría en Informática de Galicia (CPEIG) outorga o Premio Innovación Tecnolóxica no Ensino da “XIII Noite da Enxeñaría en Informática de Galicia” ao Centro de Investigación TIC (CITIC) da Universidade da Coruña polo seu proxecto ‘Talentos Inclusivos’.