O próximo 10 de febreiro pola tarde terá lugar na Facultade de Informática da UDC a Olimpíada Informática Galega 2023 (OIG 2023) na que participarán 37 estudantes de secundaria, bacharelato e ciclos formativos de grao medio de centros educativos de Galicia.
O CITIC colabora cunha nova edición do programa Inspira STEAM, promovido pola Universidade de Deusto e coordinado na Coruña pola investigadora do CITIC Verónica Bolón. O programa ten a finalidade de fomentar as vocacións científico-tecnolóxicas entre estudantes, especialmente entre as nenas.
Esta mañá o CITIC recibiu a visita dun grupo de estudantes de 3º da ESO e 1º de bacharelato do IES Río Miño de Rábade.
A sesión comezou no Demostrador Tecnolóxico, onde o responsable da unidade de Sistemas do CITIC, Alejandro Mosteiro, mostroulles os diferentes ámbitos de aplicación das investigacións realizadas no centro, principalmente nos ámbitos de robótica.
O pasado 24 de novembro tivo lugar a xornada “Padriño Tecnolóxico”, promovida polo proxecto do mesmo nome e pola Universidade de Alcalá (UAH), e na que se presentaron os principais proxectos de innovación tecnolóxica cara ás persoas con discapacidade.
Na xornada, a investigadora do CITIC Thais Pousada presentou as características do proxecto Talentos Inclusivos
Os investigadores do CITIC Jorge Castiñeiras Rella e Ángel López Oriona participaron na “15th International Conference of the ERCIM WG on Computational and Methodological Statistics” (CMStatistics 2022) celebrada no King´s College de Londres, do 17 ao 19 de decembro, de maneira híbrida.
O pasado 16 de decembro o proxecto do CITIC Talentos Inclusivos participou nas “IV Xornadas sobre Diversidade da Universidade” que tiveron lugar no salón de actos da Facultade de Ciencias da Educación situada no Campus de Elviña.
Participaron os membros do CITIC Patricia Concheiro, Carmen Miranda, Manuel Lago e Laura Rodríguez que mostraron videoxogos adaptados acompañados dos seus elementos de control.
O CITIC da UDC vén de presentar os resultados de dous proxectos de investigación con base na Intelixencia Artificial (IA) para loitar contra o impacto na saúde da COVID-19. Trátase do programa sobre Ciencia e enxeñaría de datos para avaliación, predición poboacional e personalizada da evolución da enfermidade (CEDCOVID), dirixido por Ricardo Cao Abad e Manuel F. González Penedo; e do que estuda a predición da estrutura de proteínas de SARS-CoV-2 con técnicas de IA, liderado por José Santos Reyes.
O CITIC da UDC captou fondos por valor de 1,7 millóns de euros a través de dúas convocatorias de proxectos orientados á transición ecolóxica e dixital e de innovación do Plan Estatal de Investigación Científica 2021-2023. Concretamente foron dez os proxectos seleccionados, na súa maioría parte pertencentes á area de Intelixencia Artificial.
Este mércores, 30 de novembro, o CITIC recibiu a visita de estudantes de bacharelato do IES Eusebio da Guarda que iniciarán este curso a súa participación no programa STEMbach da Xunta de Galicia desenvolvendo un proxecto de investigación en procesamento da linguaxe natural (PLN).
O próximo 13 de decembro, a partir das 9:40 horas, a sala Cloud do CITIC acollerá o acto de presentación de resultados de resultados de dous proxectos dirixidos por investigadores do centro para avanzar na loita contra a COVID-19. Son os proxectos CEDCOVID: Ciencia e enxeñería de datos para a avaliación, predición poboacional e personalizada da evolución da enfermidade COVID-19, dirixido por Ricardo Cao Abad e Manuel F. González Penedo; e “Predición da estrutura de proteínas de SARS-CoV-2 con técnicas de Intelixencia Artificial”, dirixido por José Santos Reyes.
