O pasado venres 29 de setembro tivo lugar a G-NIGHT, a Noite Galega das Persoas Investigadoras, un evento de divulgación científica que se celebra de forma simultánea en toda Europa.
O Centro de Investigación en Tecnoloxías da Información e as Comunicacións (CITIC) da UDC incrementa a súa captación de talento internacional a través do proxecto europeo 3i-ICT. Na segunda edición deste programa -cuxa recepción de candidaturas pechouse recentemente-, o centro da UDC recibiu 75 candidaturas de 56 solicitantes, das cales 51 de 39 persoas foron admitidas.
O presidente da Xunta, Alfonso Rueda, vén de anunciar a posta en marcha dun Plan de Infraestruturas Universitarias co obxectivo de seguir avanzando na consolidación da excelencia e calidade do sistema universitario galego.
O pasado xoves 6 de xuño, o CITIC recibiu a visita de Miquel Serra-Ricart, administrador do Observatorio do Teide no Instituto de Astrofísica de Canarias, e Javier Parra, EO Alared InTec e analista de datos e trafficker.
O grupo de empresarios Vicus Gallaecia reuniuse onte en Vigo con diversos membros da Universidade da Coruña; concretamente con Julio Abalde, reitor da UDC, Manuel G. Penedo, director do CITIC, e Amparo Alonso, catedrática da UDC.
Converter A Coruña na capital mundial da música creada con intelixencia artificial é o obxectivo do AI Song Contest 2023, coñecido como a Eurovisión da IA, que terá lugar no CSA da Cidade das TIC o vindeiro 4 de novembro. Un evento ó que se une o CITIC da UDC para dar a coñecer o potencial da IA en diferentes campos creativos e artísticos como o da música.
A investigadora do CITIC, Susana Ladra, participou o 29 de xuño na xornada Enxeñaría x Mulleres, promovida polo centro de investigación atlanTIC da Universidade de Vigo, dentro da mesa redonda Diálogos con Enxeñeiras.
O programa educativo Inspira STEAM, promovido pola Universidade de Deusto e coordinado na Coruña pola investigadora Verónica Bolón do CITIC da Universidade da Coruña, celebrou este mércores 21 de xuño o peche da edición correspondente a este curso. Este programa ten como obxectivo fomentar as vocacións científico-tecnolóxicas entre os estudantes, especialmente entre as nenas, e contou este ano coa participación de catro centros: o IES Ramón Menéndez Pidal, o CPR Sagrado Corazón Franciscanas, o Colexio Santo Domingo e o CEIP Teixeiro.
O programa Talentos Inclusivos celebrou este venres na Domus de A Coruña o peche da súa terceira edición, correspondente ao curso 2022-2023, cunha feira científica na que se expuxeron os proxectos desenvolvidos polos dez centros educativos participantes, da provincia da Coruña e, por primeira vez, de Ourense.
Hoxe os centros de investigación do Campus de Elviña CITIC, CICA e CITEEC recibiron a visita dun grupo de 20 alumnos e alumnas do IES Camilo José Cela de Padrón. A visita aos centros de investigación está enmarcada na iniciativa “Atrévete a pescudar con elas!”, organizada pola Unidade de Divulgación Científica e Cultural da Universidade da Coruña.
