Mes: Xuño 2021

novidades, novidades_congresosGL, novidades_divulgacionGL

Investigadores do CITIC participan na sesión de presentación do Programa de Formación en Competencias Dixitais en Saúde para residentes, do que coordinan módulos formativos

O director do CITIC Manuel F. González Penedo e o investigador Alejandro Pazos participaron onte na sesión de presentación do Programa de formación en Competencias Dixitais en Saúde para residentes, celebrada no salón de actos do Hospital Universitario da Coruña. Os investigadores coordinarán senllos módulos formativos no programa.

novidades, novidades_divulgacionGL

Thais Pousada e Laura Castro participan no I Workshop Internacional Mulleres Investigadoras Innovan

As investigadoras do CITIC Thais Pousada e Laura Castro participarán o próximo 17 de xuño no I Workshop Internacional Mulleres Investigadoras Innovan, organizado pola plataforma Son Pioneras, un proxecto da Universidade de Granada. Thais Pousada participará na mesa redonda “Dixitalización para a inclusión e Sociedade inclusiva” e Laura Castro intervirá la sesión “Clima, enerxía e materiais”.

novidades, novidades_premiosGL

José A. Iglesias Guitián recibe unha bolsa da Fundación BBVA

O investigador do CITIC José A. Iglesias Guitián recibiu unha bolsa Leonardo a Investigadores e Creadores Culturais, outorgada pola Fundación BBVA. Cunha dotación global de máis de dous millóns de euros, as bolsas Leonardo están destinadas a apoiar proxectos persoais de investigadores e creadores culturais en estadios intermedios da súa carreira, que se caractericen por unha significativa produción científica, tecnolóxica ou cultural. Nesta convocatoria concedéronse 58 bolsas, entre as 1274 solicitudes presentadas.

novidades, novidades_divulgacionGL

Amparo Alonso participa na xornada “Cara a unha Galicia Intelixente” organizada pola Xunta

A investigadora do CITIC Amparo Alonso participará este venres 11 de xuño na xornada “Cara a unha Galicia Intelixente”, organizada pola Xunta de Galicia. Durante esta xornada abordarase o papel das tecnoloxías intelixentes, especialmente a intelixencia artificial, na contribución á resolución dalgúns dos principais retos que enfronta a sociedade. O evento enmárcase na presentación da Estratexia Galega de Intelixencia Artificial 2030.