A Cátedra R en Ciberseguridade, dirixida na UDC polo investigador do CITIC Carlos Dafonte, convoca os V Premios aos Mellores Traballos Académicos e de Investigación en Ciberseguridade Dixital. O obxectivo principal destes premios é “a promoción e difusión da actividade docente e investigadora no ámbito da ciberseguridade”.
Fíxose pública a proposta de resolución provisional do procedemento de concesión de axudas 2022 a “Proyectos de Generación de Conocimiento” e a actuacións para a formación de persoal investigador predoctoral asociadas aos devanditos proxectos.
Tres proxectos nos que participa o Centro de Investigación TIC (CITIC) da Universidade da Coruña foron seleccionados pola entidade Red.es do Ministerio de Asuntos Económicos e Transformación Dixital e financiados con preto de 1,4 millóns de euros. Algoritmos de predición de superbacterias en hospitais, prevención de enfermidades profesionais e métodos intelixentes de minería de textos para melloras en vixilancia tecnolóxica teñen como denominador común a aplicación da intelixencia artificial á optimización de procesos en diferentes ámbitos de impacto económico e social.
O próximo 3 de xuño o CITIC acollerá a “Xornada de presentación de convocatorias Cascade Funding”, organizada en colaboración con econet-FundingBox. O obxectivo é dar a coñecer a grupos de investigación, pemes, midcaps e start-ups a financiación en cascada, un método de financiación da Comisión Europea.
A Sociedad Científica Informática e a Fundación BBVA convocaron a sexta edición dos seus Premios de Investigación. Concederanse un máximo de 10 premios: 4 na modalidade Premios Nacionais de Informática e 6 na modalidade Investigadores Novos Informáticos.
O CITIC obtivo apoio da Xunta de Galicia, a través de GAIN, para o desenvolvemento dun proxecto de I+D+i orientado a facer fronte á pandemia no marco do programa das axudas Conecta Covid. Das 24 solicitudes presentadas, unicamente obtiveron financiamento 9 propostas.
O pasado mes de outubro a Axencia Galega de Innovación ( GAIN) resolveu as súas convocatorias Conecta Hubs e Innova Peme, destinadas a impulsar o crecemento e a competitividade de empresas e axentes do sistema galego de I+D+i.
Hoxe lánzase a convocatoria do concurso de ideas de arquitectura para o novo edificio da UDC “CITIC. Cidade das TIC”, dirixido a arquitectos/as titulados/as e estudantes de Arquitectura.
A Real Academia Galega de Ciencias (RAGC) e a Axencia Galega de Innovación (GAIN) convocan os Premios de Transferencia de Tecnoloxía en Galicia 2021, que teñen o obxectivo de recoñecer o traballo do persoal investigador e dos/as empresarios/as que apostan pola transferencia de coñecemento como base para o desenvolvemento socioeconómico de Galicia.
A Sociedade de Estatística e Investigación Operativa (SEIO) e a Fundación BBVA convocaron a segunda edición dos premios SEIO-Fundación BBVA, destinados a recoñecer as achegas científicas máis innovadoras e influíntes en estatística e investigación operativa. Estes galardóns teñen o obxectivo de incentivar o traballo dos mellores investigadores nestas áreas e de impulsar a proxección das disciplinas ao conxunto da sociedade.
