As XV Xornadas de Enxeñería Telemática (JITEL), organizadas polo CITIC e a Sociedade Científica de Enxeñería Telemática, terán lugar os días 27, 28 y 29 de outubro de 2021.
A investigadora do CITIC Minia Manteiga participou no XXIV Congreso Estatal de Astronomía (CEA), que se celebrou no Reitorado da Universidade da Coruña do 9 ao 12 de outubro. En concreto, Manteiga formou parte do comité científico do congreso e impartiu a conferencia “Gaia: unha nova visión da Vía Láctea en seis (ou máis) dimensións”, xunto coas investigadoras Ana Ulla, da Universidade de Vigo, e Ruth Carballo, da Universidade de Cantabria.
O programa “Prepara a túa candidatura para ERC”, organizado polo CITIC en colaboración con FEUGA, ofreceu unha nova sesión este mércores 13 de outubro, continuando coa serie de workshops “Casos de éxito e experiencias de beneficiarios de ERC”.
O investigador do CITIC Francisco Bellas Bouza foi nomeado Embaixador STEM de IEEE 2021 para a rexión 8, programa promovido pola iniciativa TryEngineering de IEEE. Bellas foi un dos 46 embaixadores seleccionados, entre as 80 candidaturas presentadas en todo o mundo.
O CITIC organiza xunto con FEUGA o programa “Prepara a túa candidatura para ERC”, co obxectivo de asesorar ao persoal investigador na presentación de convocatorias do European Research Council (ERC). O pasado mércores 6 de outubro deu comezo a serie de workshops “Casos de éxito e experiencias de beneficiarios de ERC”.
O investigador Diego Álvarez integrouse recentemente na área de Intelixencia Artificial do CITIC para desenvolver modelos de aprendizaxe automático xeneralizables e robustos np contexto de múltiples fontes de datos independentes.
O IV Congreso XoveTIC, organizado polo CITIC, congregou o 7 e 8 de outubro a máis dun centenar de asistentes en formato híbrido. Investigadores e investigadoras júnior presentaron un total de 62 traballos no ámbito das TIC.
O IV Congreso XoveTIC, organizado polo CITIC, terá lugar en formato virtual os días 7 e 8 de outubro de 2021. Está destinado a investigadores/as junior (predoutorais e posdoutorais) que presentarán comunicacións orais ou pósteres das súas investigacións no ámbito das Tecnoloxías da Información e as Comunicacións (TIC).
