Intelixencia artificial verde, por un desenvolvemento tecnolóxico sostible

A investigadora do CITIC, Verónica Bolón, lidera desde a UDC o estudo sobre os denominados algoritmos verdes, no marco do recente plan nacional aprobado polo Goberno a finais do pasado ano e que desenvolverá, ata o 2025, solucións TIC aos desafíos ecolóxicos baseadas en intelixencia artificial (IA). O proxecto de investigación dá resposta ademais a un dos obxectivos da futura AESIA sobre o uso responsable co medio ambiente da IA.

Investigadoras do CITIC participarán nas charlas “Directo 11F: Conecta con enxeñeiras informáticas” no MUNCYT

As investigadoras do CITIC Ana López Cheda, Verónica Bolón Canedo e Adriana Dapena Janeiro participarán este venres 10 de febreiro, de 10:20 h a 13:10 h, na iniciativa “Directo 11F: Conecta con enxeñeiras informáticas” con tres charlas en formato en liña, organizadas polo MUNCYT da Coruña e a Facultade de Informática da UDC.

O CITIC acollerá a conferencia “Artificial Intelligence in Education”, impartida pola profesora da Old Dominion University Helen Crompton

O próximo 22 de febreiro ás 17:00 horas a sala Cloud do CITIC acollerá a conferencia “Artificial Intelligence in Education” que estará impartida pola profesora da Old Dominion University Helen Crompton. A conferencia abordará as consideracións sobre o uso da IA na educación (AIEd).

O CITIC celebra a súa Asemblea Ordinaria 2023

Hoxe tivo lugar no salón de actos da Facultade de Informática da UDC a Asemblea Ordinaria do CITIC 2023, na que o director do centro, Manuel F. González Penedo, presentou a toda a comunidade CITIC os resultados e as accións realizadas na anualidade 2022 nas áreas de investigación, transferencia e innovación, formación, comunicación e RRI (Responsible Research and Innovation).