O CITIC da UDC obtén 1,7 millóns de euros para proxectos de transición ecolóxica e innovación e tecnoloxías intelixentes aplicadas á oftalmoloxía

O CITIC da UDC captou fondos por valor de 1,7 millóns de euros a través de dúas convocatorias de proxectos orientados á transición ecolóxica e dixital e de innovación do Plan Estatal de Investigación Científica 2021-2023. Concretamente foron dez os proxectos seleccionados, na súa maioría parte pertencentes á area de Intelixencia Artificial.

Xornada de difusión de resultados dos proxectos CEDCOVID: Ciencia e enxeñería de datos para a avaliación, predición poboacional e personalizada da evolución da enfermidade COVID-19 e Predición da estrutura de proteínas SARS-CoV-2 con técnicas de Intelixencia Artificial

O próximo 13 de decembro, a partir das 9:40 horas, a sala Cloud do CITIC acollerá o acto de presentación de resultados de resultados de dous proxectos dirixidos por investigadores do centro para avanzar na loita contra a COVID-19. Son os proxectos CEDCOVID: Ciencia e enxeñería de datos para a avaliación, predición poboacional e personalizada da evolución da enfermidade COVID-19, dirixido por Ricardo Cao Abad e Manuel F. González Penedo; e “Predición da estrutura de proteínas de SARS-CoV-2 con técnicas de Intelixencia Artificial”, dirixido por José Santos Reyes.

Programación matemática e realidade virtual para persoas maiores e con diversidade funcional, temas centrais da última sesión do ano dos Almorzos TIC Talk

Este martes 29 de novembro o CITIC acolleu a sétima e última sesión do ano dos Almorzos TIC Talk. Os protagonistas do encontro, que ten a finalidade de achegar o traballo realizado no centro nun ambiente distendido, foron Christian Álvarez Peláez e Manuel Lagos Rodríguez.

Persoal investigador do CITIC organiza a conferencia “Mathematical and Statistical modelling using the FMM approach. The case of the Electrocardiogram”, impartida por Cristina Rueda, catedrática da Universidad de Valladolid

O vindeiro 30 de novembro, ás 12:30 h, na Aula de Graos Víctor Gulías da Facultade de Informática da UDC, terá lugar a conferencia “Mathematical and Statistical modelling using the FMM approach. The case of the Electrocardiogram”. Será impartida por Cristina Rueda, Catedrática do Dpto. de Estadística e IO da Universidad de Valladolid.

O CITIC da UDC lidera un consorcio internacional para crear unha nova xeración de robots autónomos con aplicación en sectores coma o agroalimentario, o educativo, a produción industrial e o comercio

Crear robots máis autónomos que resolvan situacións reais no sector agroalimentario, no entretemento educativo, no campo da produción industrial non estruturada e no comercio. Este é o obxectivo principal do proxecto PILLAR-Robots (Purposeful Intrinsically motivated Lifelong Learning Autonomous), un consorcio internacional liderado desde o Centro de Investigación TIC (CITIC) da UDC, nacido ao amparo do programa Horizonte Europa.

O CITIC recibe a visita de profesorado de secundaria de Turquía e Chipre coa finalidade de establecer posibles vías de colaboración en proxectos STEM

Esta semana, profesorado de centros de educación secundaria de Turquía e Chipre, acompañados polo profesor da Facultade de Economía e Empresa da UDC Felix Puime, visitaron o CITIC co obxectivo de establecer posibles liñas de colaboración en proxectos de temática STEM

Un artigo de José A. Iglesias Guitián presentarase na conferencia SIGGRAPH Asia en Corea

O traballo “Neural James-Stein Combiner for Unbiased and Biased Renderings”, desenvolvido polo investigador do CITIC José A. Iglesias Guitián xunto con Jeongmin Gu e Bochang Moon do Gwangju Institute of Science and Technology – GIST de Corea do Sur, presentarase en SIGGRAPH Asia 2022, un dos eventos máis importantes a nivel internacional no ámbito da computación gráfica e as técnicas interactivas.

O CITIC participa na Guía de Recursos para Persoas con Enfermidades Neuromusculares publicada pola Federación ASEM

O pasado 15 de novembro, coincidindo co Día Nacional das Enfermidades Neuromusculares, a Federación ASEM presentou a Guía de Recursos Sociosanitarios e Educativos para Persoas con Enfermedades Neuromusculares, que contou coa participación de investigadoras do CITIC lideradas por Thais Pousada. Trátase dunha versión actualizada e ampliada da guía realizada en 2013, e xorde da necesidade de ofrecer información máis completa e adaptada a un formato dixital para facilitar a procura de recursos.

O proxecto Talentos Inclusivos recibe unha mención honorífica nos XXXV Premios Prismas Casa das Ciencias á Divulgación

O proxecto Talentos Inclusivos, promovido polo CITIC da UDC e ASPACE Coruña, recibe unha mención honorífica nos Premios Prismas, categoría Mellor Proxecto Singular.
A entrega de premios tivo lugar o pasado 19 de novembro na Domus e o salón de plenos do Concello da Coruña.