Nieves R. Brisaboa participará na Aula de Verán “Blas Cabrera” de iniciación á investigación, a docencia e a innovación científica

A investigadora do CITIC Nieves R. Brisaboa impartirá un relatorio na Aula de Verán “Blas Cabrera” de iniciación á investigación, a docencia e a innovación científica, que se desenvolverá entre o 8 e o 12 de agosto no Palacio da Magdalena de Santander, organizada pola Universidade Internacional Menéndez Pelayo (UIMP) en colaboración co Ministerio de Ciencia e Innovación.

Ángel López Oriona é premiado na 17th Conference of the International Federation of Classification Societies

O investigador do CITIC Ángel López Oriona foi premiado na 17th Conference of the International Federation of Classification Societies (IFCS 2022), celebrada do 19 ao 23 de xullo no Porto, polo seu traballo Unsupervised classification of categorical time series through innovative distances, que desenvolveu xunto co investigador do CITIC José Antonio Vilar e o profesor da Universidade de Roma A Sapienza, Pierpaolo D’Urso.

Alianza entre o CITIC, colexios profesionais e entidades do terceiro sector de Galicia para ofrecer solucións tecnolóxicas a persoas maiores e con discapacidade

Nace a Rede Galega de I+D+i de Tecnoloxías de Apoio para unha Sociedade Inclusiva para mellorar a calidade de vida das persoas grazas a innovadoras solucións tecnolóxicas baseadas en intelixencia artificial e realidade aumentada, telefonía móbil, asistentes de voz ou espazos domotizados

Premio Nacional para o traballo do investigador do CITIC Álvaro Michelena sobre a aprendizaxe intelixente aplicada ás instalacións de control de agua

Un sistema de control intelixente máis rápido, óptimo e eficiente, que permite detectar as anomalías en tempo real das instalacións de control de líquidos. Este é o obxectivo do Traballo Fin do Máster Universitario en Informática Industrial e Robótica da EPEF do investigador CITIC da UDC Álvaro Michelena Grandío, quen vén de recibir o Premio Nacional Mejor TFM/TFG en Control Intelixente outorgado polo Comité Español de Automática (CEA), patrocinado pola empresa ASTI. O galardón, entregado no XVII Simposio de Control Inteligente do CEA, recoñece e estimula o traballo desenvolvido en relación ao control intelixente.

O CITIC acolle a presentación do Club de Innovación Aberta “Innova Club”

O Centro de Investigación TIC (CITIC) da Universidade da Coruña acolleu este venres, 15 de xullo, o acto de presentación do “Innova Club”, unha pioneira iniciativa que nace co obxectivo de ofrecer solucións a retos empresariais difíciles de resolver de xeito individual e cos medios tradicionais. Así, proponse a creación de equipos organizados de maneira personalizada, formados por expertos de empresas tecnolóxicas, profesionais, profesores e alumnos universitarios, que se encargarán de deseñar solucións para dar resposta a necesidades reais do mercado.