Categoría: novidades_divulgacionGL

novidades, novidades_divulgacionGL, novidades_premiosGL

Eva Blanco, seleccionada para a fase nacional no concurso “A túa Tese Doutoral nun Fío de Twitter”

A investigadora do CITIC Eva Blanco foi seleccionada para acceder á fase nacional do concurso A túa Tese Doutoral nun Fío de Twitter: #HiloTesis, organizado por por Crue Universidades Españolas. Este concurso ten o obxectivo de promover a actividade divulgadora entre o estudantado de Doutoramento das universidades que forman parte desta asociación. Así, a investigadora foi capaz de explicar o tema central que aborda na súa tese: a transferencia de coñecemento entre sistemas intelixentes.

novidades, novidades_divulgacionGL

Fátima Davite Aguiar imparte unha charla no programa “Das TIC ao ceo”

A artista de Character FX (CFX) e profesora da UDC, Fátima Davite Aguiar, impartirá o vindeiro martes 25 de maio unha charla dentro do programa “Das TIC ao ceo”, impulsado polo CITIC e o Consello Social da UDC para fomentar vocacións científico-tecnolóxicas entre estudantes de secundaria e bacharelato. Fátima Davite ofrecerá unha conferencia online ao alumnado do IES Ortigueira, que estará moderada polo subdirector do CITIC, Javier Pereira.

novidades, novidades_divulgacionGL

Inauguración do Demostrador Tecnolóxico do CITIC co conselleiro de Cultura, Educación e Universidade, a alcaldesa da Coruña, o reitor e o presidente do Consello Social da UDC

Este martes, 18 de maio, tivo lugar a inauguración do Demostrador Tecnolóxico do CITIC, un espazo de divulgación da actividade de I+D+i que se realiza no centro. O acto contou coa presenza do conselleiro de Cultura, Educación e Universidade, Román Rodríguez; o secretario xeral de Universidades, José Alberto Díez de Castro; a alcaldesa da Coruña, Inés Rey; o reitor da Universidade da Coruña, Julio Abalde; o presidente do Consello Social da UDC, Antonio Abril; o vicerreitor de Política Científica, Investigación e Transferencia da UDC, Salvador Naya; e o director do CITIC, Manuel F. González Penedo.

novidades, novidades_divulgacionGL, novidades_investigacionGL

Vicente Moret impartirá unha charla enmarcada dentro do proxecto europeo NEASQC

O investigador do CITIC Vicente Moret foi convidado pola empresa Electricité de France (EDF) a impartir unha charla sobre Razoamento Aproximado, Intelixencia artificial e Computación Cuántica. A conferencia, que terá lugar o próximo mes de setembro, está enmarcada no proxecto europeo NEASQC, no que participa o CITIC.

novidades, novidades_divulgacionGL

O investigador José A. Iglesias Guitián imparte unha charla no programa “Das TIC ao ceo”

O investigador do CITIC José A. Iglesias Guitián impartirá este xoves 6 de maio unha charla en formato online dentro do programa “Das TIC ao ceo”, impulsado polo CITIC e o Consello Social da UDC para fomentar vocacións científico-tecnolóxicas entre estudantes de secundaria e bacharelato. O investigador ofrecerá unha conferencia destinada a 40 alumnos e alumnas de bacharelato do IES Terra de Trasancos de Narón, que estará moderada polo subdirector do CITIC, Javier Pereira.

novidades, novidades_divulgacionGL

Ciclo de webinars para a presentación de resultados do proxecto HiPERFORM

O proxecto HiPERFORM, no que participan os investigadores do CITIC Valentín Barral, José A. García Naya, Luis Castedo, Carlos J. Escudero e Javier Rodas González, finalizará o próximo mes de outubro. Para a presentación pública de resultados, o equipo de traballo organizou un ciclo de webinars para achegar os aspectos máis destacados do proxecto, iniciado en maio de 2018.

novidades, novidades_divulgacionGL

Thais Pousada imparte charlas divulgativas sobre diversidade funcional en centros educativos

A investigadora do CITIC Thais Pousada ofreceu diferentes charlas en centros educativos para expoñer as necesidades ás que se ven sometidas as persoas con diversidade funcional na súa vida diaria, presentando os produtos tecnolóxicos que axudan a mellorar a súa calidade de vida e centrándose no potencial que teñen as impresoras 3D nesta área.

novidades, novidades_divulgacionGL

Verónica Bolón participa nunha charla con motivo do Día das Nenas nas TIC

A investigadora do CITIC Verónica Bolón participou na multiconferencia web organizada por ICT-Go-Girls, iniciativa promovida polo Centro de Supercomputación de Galicia (CESGA). Con motivo do Día Internacional das Nenas nas TIC, varias investigadoras explicaron neste encontro con escolares o que a tecnoloxía pode aportar en diferentes campos para mellorar a vida de todos.

novidades, novidades_divulgacionGL

Alejandro Pazos participa no debate “Big Data e Intelixencia Artificial: Son os meus datos o novo petróleo?”

O investigador do CITIC Alejandro Pazos participará o próximo 28 de abril no debate “Big Data e Intelixencia Artificial: Son os meus datos o novo petróleo?”, organizado polo Centro de Visión por Computador (CVC) e a Fundación “la Caixa”. O obxectivo é dar a coñecer as amplas oportunidades e os retos que supón incorporar a Intelixencia Artificial á análise de datos de alta calidade.